144 №-li tam orta məktəb

Şagirdimiz Murad Zərbəliyev “Uşaq hüquqları tribunası” konfransındaNoyabrın 17-də Ailə, Qadın və Uşaq Problemləri üzrə Dövlət Komitəsinin (AQUPDK) təşkilatçılığı ilə “Uşaq hüquqları tribunası” mövzusunda konfrans keçirilib. BMT-nin 20 Noyabr - Ümumdünya Uşaq Hüquqları Gününə həsr edilmiş tədbirdə Türkiyənin müvafiq qurumlarının nümayəndələri və 100-dən çox uşaq iştirak edib. Konfransda Azərbaycan Respublikasının Dövlət Himni səsləndirilib, torpaqlarımızın azadlığı uğrunda mübarizədə canlarından keçən şəhidlərimizin əziz xatirəsi bir dəqiqəlik sükutla anılıb. Sonra dövlət uşaq siyasətini, eləcə də uşaq iştirakçılığı sahəsində həyata keçirilən tədbirləri özündə əks etdirən videoçarx nümayiş olunub. Konfransı açan AQUPDK-nın sədri Bahar Muradova tədbir iştirakçılarını, eləcə də qardaş Türkiyədən gələn qonaqları salamlayıb. İki ölkə arasında dostluq, qardaşlıq münasibətlərinə diqqət çəkən komitə sədri müvafiq sahədə uğurlu əməkdaşlıq əlaqələrindən danışıb. Ölkəmizdə uşaqların hüquqlarının yüksək səviyyədə qorunduğunu, onların diqqət və qayğı ilə əhatə olunduqlarını vurğulayan Bahar Muradova bildirib ki, Azərbaycan Respublikası 1992-ci ildə BMT-nin “Uşaq hüquqları haqqında” Konvensiyasına, 2002-ci ildə isə həmin Konvensiyanın iki əlavə protokoluna qoşulub. 1998-ci ildə ölkəmizdə Konvensiyanın əsas prinsiplərini özündə əks etdirən “Uşaq hüquqları haqqında” Qanun qəbul edilib və ölkədə uşaq hüquqlarının təmini məqsədilə müxtəlif istiqamətlərdə davamlı olaraq zəruri tədbirlər həyata keçirilməkdədir. Türkiyənin Ailə və Sosial Xidmətlər Nazirliyinin əməkdaşı Muhammed Furkan Bilge qardaş ölkədə həyata keçirilən uşaq siyasətindən söz açıb. O, uşaq hüquqlarının təmin olunması istiqamətində həyata keçirilən tədbirlərdən danışıb, bu sahədə komitə ilə birgə uğurlu əməkdaşlığın ölkələrimiz arasında dostluğu daha da inkişaf etdirəcəyini bildirib. Rəsmi hissədən sonra konfrans işini uşaq hüquqları ilə bağlı mövzuları əhatə edən 4 panel iclası davam etdirib. Rəsmi qurumların nümayəndələri “Uşaqların yaşamaq hüquqları”, “Uşaqların müdafiə hüquqları”, “Uşaqların inkişaf hüquqları” və “Uşaqların iştirak hüquqları” mövzularında fikirlərini bölüşüblər, təkliflərini səsləndiriblər Konfransda məktəbin 11A sinif şagirdi Murad Zərbəliyevdə iştirak etmişdir. Murada uğurlar və nailiyyətlər arzulayırıq.

Zəfər Gününə həsr olunmuş “Zəfər dastanı” adlı respublika şeir və mahnı müsabiqəsiElm və Təhsil Nazirliyi sistemində fəaliyyət göstərən ümumtəhsil məktəblərinin şagirdləri və uşaq gənclər inkişaf mərkəzinin dərnək üzvləri arasında Şanlı tariximizə qızıl hərflərlə yazılan 8 noyabr Zəfər Gününə həsr olunmuş “Zəfər dastanı” adlı respublika şeir və mahnı müsabiqəsində məktəbin 9A sinif şagirdi Aysu Məmmədli iştirak etmiş və “Təsnif və xalq mahnıları” nominasiyası üzrə II yerə layiq görülmüşdür.

"Güllə atıcılığı üzrə yarış"Bu gün 56 nömrəli məktəbin təşkilatçılığı ilə Zəfər Gününə həsr olunmuş məktəblərarası "Güllə atıcılığı üzrə yarış" da Bakı şəhəri üzrə 14 sayda məktəbin iki şagird və bir müəllimlərindən ibarət komandalar mübarizə apardılar. 144 nömrəli məktəb olaraq biz də bu yarışda iştirak etdik və I YER qalibi olduq. Yarışa məsuliyyətlə yanaşan, şagirdləri hazırlayan məktəbin kimya müəllimi Nemət müəllimə və idman müəllimi Xanım müəllimə öz təşəkkürümü bildirirəm. Şagirdlər gələcəyin cəsur əsgərləri kimi tam hədəfi nişan alaraq, ən yüksək ballar qazandılar. Yarışı olduqca maraqlı, obyektiv təşkil etdiyi üçün 56 nömrəli məktəbin direktoru Könül xanıma minnətdarlığımızı bildiririk .