“Üçrəngli şanlı bayrağım”
Oktyabr ayının 30-da Xətai rayonunda Yeni Azərbaycan Partiyası Xətai rayon təşkilatının “Üçrəngli şanlı bayrağım” mövzusunda elan etdiyi bədii qiraət müsabiqəsinə yekun vurulub. Dövlət Bayrağı Gününə həsr olunan və iki yaş qrupu üzrə keçirilən yarışmanın ikinci mərhələsində rayonun ümumtəhsil məktəblərində təhsil alan 60-dək şagird iştirak edib.
Mübariz Nəcəfov adına 86 nömrəli tam orta məktəbin 11B sinif şagirdləri İdris Əhmədzadə və 7F sinif şagirdi Rauf Yusifli müsabiqədə iştirak ediblər. Yaxın günlərdə hər yaş qrupu üzrə I, II, III yerlərin qalibləri və həvəsləndirici yerlərə layiq görülmüş iştirakçılar diplom və qiymətli hədiyyələrlə mükafatlandırılacaqlar. Şagirdlərimizə uğurlar arzulayırıq.
