“Şagird davranış qaydaları” mövzusunda seminar keçirilib
“Ümumi təhsil müəssisələrində şagird davranış qaydaları” mövzusunda maarifləndirici seminar təşkil olunub. Seminarda Mübariz Nəcəfov adına 86 nömrəli tam orta məktəbin uşaqlarla məktəbdənkənar və sinifdən xaric işlər üzrə təşkilatçısı Leyla Binnətova, psixoloq Şəfəq Soltanova, uşaq birliyi təşkilatı rəhbəri Şərqiyyə Əliyeva, müəllimlər, şagirdlər və valideynlər iştirak ediblər.
Şəfəq Soltanova çıxış edərək bildirib ki, bu qaydalar təhsilalanların bir sıra hüquq və vəzifələrini təmin etmək məqsədilə ümumi təhsil müəssisəsində nizam-intizamı tənzimləyən qayda və prosedurları müəyyən edir, həmçinin məktəb nüfuzunun artırılması işinə dəstək verir.
Şəfəq Soltanova məktəblilərin internetdən təhlükəsiz istifadə imkanları, həmçinin kibertəhlükələr və onlayn risklər haqqında məlumatlılığının artırılması məqsədilə təklif və tövsiyələr də səsləndirib.
