Müstəqilliyin Bərpası Gününə həsr olunmuş futbol yarışı keçirilib
Mübariz Nəcəfov adına 86 nömrəli tam orta məktəbdə 18 Oktyabr- Müstəqilliyin Bərpası Günü ilə əlaqədar altıncı və yeddinci sinif şagirdləri arasında futbol idman oyunu növü üzrə yarışma təşkil olunub. Yarışın keçirilməsində məqsəd şagirdlərin müstəqilliyin bərpasının 33-cü ildönümü ilə əlaqədar maarifləndirilməsi, həmçinin təhsilalanlarda fəal və sağlam həyat tərzinin inkişaf etdirilməsi, gənclərin zərərli vərdişlərdən uzaqlaşdırılması, idmanın şagirdlər arasında kütləviləşdirilməsidir. Yarışın nəticələrinə əsasən, 7E sinif şagirdlərindən ibarət komanda I, 7B sinif şagirdlərindən ibarət komanda II, 7C sinif şagirdlərindən ibarət komanda isə III yerə layiq görülüb.
Sonda şagirdlər məktəbin direktoru Günel Səmədova tərəfindən diplom və hədiyyələrlə mükafatlandırılıblar.
