86 №-li tam orta məktəb

Şagirdlərimiz FİSO Olimpiadasının qaliblərindəndirMübariz Nəcəfov adına 86 nömrəli tam orta məktəbin 5d sinif şagirdi Orxan Qarayev və 8e sinif şagirdi Kənan Qarayev FİSO Olimpiadasının Riyaziyyat yarışmasında iştirak ediblər. Orxan Qarayev qızıl medal və sertifikatla, Kənan Qarayev bürünc medal və sertifikatla mükafatlandırılıblar. Şagirdlərimizi təbrik edir, gələcək fəaliyyətlərində uğurlar arzu edirik.

Şagirdimiz beynəlxalq yarışın qalibidirMübariz Nəcəfov adına 86 nömrəli tam orta məktəbin 8b sinif şagirdi İlham Feyzullayev Gürcüstanda keçirilən taekvondo idman növü üzrə beynəlxalq yarışda 45 kq çəki üzrə oğlanlar arasında I yer tutduğuna görə təltif olunub. Şagirdimizi təbrik edir, gələcək həyatında uğurlar arzu edirik.

Şagirdimiz təltif olunub17-18 yanvar 2024-cü il tarixlərində “Təhsil” Respublika İdman Mərkəzinin 1 nömrəli respublika ixtisaslaşdırılmış olimpiya ehtiyatları uşaq-gənclər idman məktəbinin Suraxanı rayonunda yerləşən ağır atletika zalında 20 Yanvar şəhidlərinin xatirəsinə həsr olunmuş açıq birincilik keçirilib.Mübariz Nəcəfov adına 86 nömrəli tam orta məktəbin 5a sinif şagirdi Aydın Mirzəzadə I yerə layiq görülüb. “Təhsil” Respublika İdman Mərkəzinin 1 nömrəli respublika ixtisaslaşdırılmış olimpiya ehtiyatları uşaq-gənclər idman məktəbi tərəfindən diplom, medal və hədiyyələrlə təltif olunub.