"Əbədiyaşar Lider" mövzusunda inşa müsabiqəsi
Xətai Rayon İcra Hakimiyyətinin və Yeni Azərbaycan Partiyası (YAP) Xətai rayon təşkilatının birgə təşkilatçılığı ilə Ulu Öndər Heydər Əliyevin anadan olmasının 101-ci ildönümünə həsr olunan “Əbədiyaşar Lider” mövzusunda tədbir keçirilib. Tədbirdə Xətai Rayon İcra Hakimiyyətinin başçısı Rafiq Quluyev, YAP Xətai rayon təşkilatının sədri Vüqar Rəhimzadə, Azərbaycan Respublikası Elm və Təhsil Nazirliyinin Akademik Y.H. Məmmədəliyev adına Neft-Kimya Prosesləri İnstitutunun baş direktoru, akademik Vaqif Abbasov, şəhid mayor Rüfət Əsgərovun atası, Xətai Rayon Ağsaqqallar Şurasının sədri Mürvət Əsgərov, YAP İdarə Heyətinin üzvü, Milli Məclisin deputatları Pərvin Kərimzadə və Mixail Zabelin xalqımız dövlətçilik salnaməmizdə silinməz izlər qoymuş, daim azərbaycanlı olması ilə fəxr etmiş, milli qürur və iftixar mənbəyimiz olan Ulu Öndər Heydər Əliyev haqqında çıxış ediblər.
Tədbirdə Ulu Öndər Heydər Əliyevin anadan olmasının 101-ci ildönümü ilə bağlı Xətai rayon ümumtəhsil məktəblərinin yuxarı sinif şagirdləri arasında keçirilən “Əbədiyaşar Lider” mövzusunda inşa yazı müsabiqəsinin, rayon gəncləri arasında baş tutan minifutbol və şahmat üzrə blitz turnirlərinin qalibləri mükafatlandırılıb. Mübariz Nəcəfov adına 86 nömrəli tam orta məktəbin 10a sinif şagirdi Gözəl Əlizadə “Əbədiyaşar Lider” mövzusunda inşa yazı müsabiqəsində II yerə layiq görülüb, diplom və dəyərli hədiyyələrlə mükafatlandırılıb.
