Şuşaya virtual səyahət
“ Dəyərlərimizi qoruyaq “ layihəsinin Təbirlər Planına əsasən bu gün tarix müəllimi Samirə Həmzəyevanın rəhbərliyi , X sinif şagirdlərinin iştirakı ilə “Şuşaya virtual səyahət “ baş tutdu. Bu cür dərslər həm şagirdlərin tarixə olan marağını artırır, həm də onların Azərbaycanın zəngin mədəniyyətinə olan bağlılıqlarını gücləndirir. Müəllim əvvəlcə şagirdlərə Şuşanın tarixi və mədəni irsi ilə bağlı suallar verdi. Daha sonra videçarx izləndi.Videoçarx “Şuşanın tarixi və strateji əhəmiyyəti” , “Şuşa memarlığı və tarixi abidələri” , “Şuşanın azad edilməsi və yenidən bərpası” , “Şuşanın təbii gözəllikləri “ , “ Şuşa və Azərbaycan musiqisi “ və s.kimi mövzuları özündə birləşdirmişdi. Bu virtual səyahət şagirdlərə Şuşanın zəngin tarixi mədəni irsi haqqında öyrəndikləri biliklər, onların Azərbaycan haqqında daha geniş bir perspektiv əldə etmələrinə kömək etdi.
