236 №-li tam orta məktəb

HƏNDBOL ÜZRƏ TURNİRDƏ UĞURLA ÇIXIŞ EDİBLƏRMayın 10-da “ABU Arena”da Azərbaycan Həndbol Federasiyası və Səbail Rayon Gənclər və İdman İdarəsinin birgə təşkilatçılığı ilə Səbail rayon məktəbliləri arasında ümummilli lider Heydər Əliyevin anadan olmasının 96-cı ildönümünə həsr olunan həndbol turniri keçirilib. İki gün davam edən turnirin finalında 236 nömrəli orta məktəbin şagirdləri yüksək bacarıq göstərərək II yerə layiq görülüblər. Komanda üzvlərinə diplom, medal və hədiyyələr təqdim olunub.

FİNALA VƏSİQƏ QAZANDILARMayın 16-da Bakı Şəhəri üzrə Təhsil İdarəsinin tabeliyindəki ümumi təhsil müəssisələri və uşaq-gənclər inkişaf mərkəzlərinin şagirdləri arasında gənc fiziklərin yaradıcılıq müsabiqəsinin final mərhələsi keçirilib. Müsabiqənin final mərhələsi ilə bağlı təşkil olunmuş tədbirdə Səbail rayonu üzrə 236 nömrəli tam orta məktəbin "Fenomen" adlı komandası iştirak edib və müsabiqənin final mərhələsində iştirak etmək hüququ qazanıblar. "Fenomen" adlı komandanın üzvləri Zəhra Əbdülrəhimova, Möhsün Quluzadə və Əli Cəfərliyə finala vəsiqə qazandıqlarına görə sertifikatlar təqdim olunub.

I DƏRƏCƏLİ ŞAHMATÇI ADINI QAZANIB23-31 yanvar tarixlərində Vüqar Həşimov Şahmat Akademiyasında uşaq və yeniyetmə şahmatçılar arasında keçirilən "Qış tətili" adlı l dərəcə üzrə təsnifat turnirində 7 xal yığan məktəbin 4 "Ə" sinif şagirdi Cəmil Mürvətov II yeri tutub və I dərəcəli şahmatçı adını qazanıb.