236 №-li tam orta məktəb

"Gənc bioloqların yaradıcılıq müsabiqəsi"ndə fəal iştirak ediblərBakı Şəhəri üzrə Təhsil İdarəsinin tabeliyindəki ümumi təhsil məktəbləri və uşaq-gənclər inkişaf mərkəzlərinin şagirdləri arasında təşkil olunan "Gənc bioloqların yaradıcılıq müsabiqəsi"ndə məktəbin 11 "A" sinif şagirdi Məhərrəmli̇ Fi̇dan Nami̇q qızı, 9 "A" sinif şagirdi Alıyeva Lamiyə Samir qızı, 10 "Ç" sinif şagirdi Cəfərli Əli Gündüz oğlu fəal iştirak etdiklərinə görə sertikikatla təltif olunublar.

“Azerreyl” qalib gələrək birinciliyi əldə edibAprelin 16-sı Bakı Şəhər Gənclər və İdman Baş İdarəsi və Azərbaycan Voleybol Federasiyasının birgə təşkilatçılığı ilə “Dərnəgül” Voleybol Mərkəzində voleybol idman növü üzrə yarış keçirilib. “Azerreyl”, “Azercell”, “Abşeron”, “Lokomotiv” komandaları arasında kubok və birincilik medalı uğrunda qızğın mübarizə gedib. Yarışda məktəbin 11 "A" sinif şagirdi Qafarova Səmra Elçin qızı "Azerreyl" voleybol klubu Çempionlar Liqasının komandasını təmsil edib. İlk setdə "Azərreyl" - 3:1 hesabı ilə qalib gələrək birinciliyi əldə edib.

"Kenquru" Beynəlxalq Riyaziyyat Olimpiadasında fərqləniblərMartın 18-i II-X sinif şagirdləri arasında keçirilən "Kenquru" Beynəlxalq Riyaziyyat Olimpiadasında məktəbin 5 "E" sinif şagirdləri Məmmədova Leyla Azər qızı və Laçınova Sara Ruslan qızı V siniflər arasında yüksək nəticə əldə etdiklərinə görə məktəbin direktoru Xanlar İmaməliyev onlara diplom təqdim edib.