236 №-li tam orta məktəb

Fənn olimpiadasının qalibləriTəhsildə inkişaf və innovasiyalar üzrə 1-ci qrant müsabiqəsi çərçivəsində FRİTL və KBTL tərəfindən müvafiq fənlər üzrə Bakı məktəbliləri arasında keçirilən fənn müsabiqələrinin ikinci mərhələsinin nəticələri bəlli olub. Məktəbimizin 7 "C" sinif şagirdləri Həsənov Yusif Əhməd oğlu- kimya fənnindən, Həsənova Zümrüd Əhməd qızı- biologiya fənnindən keçirilən müsabiqənin qalibi olub. Qeyd edək ki, fənn müsabiqələrinin keçirilməsində əsas məqsəd istedadlı uşaqların aşkar edilməsi, şagirdlər arasında sağlam rəqabət mühitinin yaradılması, aşağı sinif şagirdlərinin müxtəlif fənlərə olan marağının artırılması və onlarla məqsədyönlü işlərin aparılmasıdır.

Paşamın növbəti qələbəsiBöyük hədəflər və bu hədəflərə doğru yolda böyük əmək uğurun əsas təməl prinsipləridir. Daim rəqiblərini mat qoyan 6 yaşlı şahmatçımız Paşam Əlizadə dekabrın 12- si "Təhsil" Respublika İdman Mərkəzinin şahmat üzrə Respublika çempionatının final mərhələsində 7 yaşadək oğlanlar arasında birinci yer tutduğuna görə Diplomla təltif edilib. O, 9 oyunda 9 xal yığıb. Onu da qeyd edək ki, aprel ayında Paşam Albaniyanın Durres şəhərində keçiriləcək dünya çempionatında Respublikamızı təmsil edəcək. Paşamın əldə etdiyi bu nailiyyətləri onu hədəflədiyi böyük uğurlara aparacağına inanırıq. Balaca şahmatçımızı və onun valideynlərini əldə etdiyi qələbə münasibətilə təbrik edib, gələcək fəaliyyətində də Paşam Əlizadəyə uğurlar diləyirik.

Gimnastımızın növbəti uğuruDəfələrlə qalib olma xəbərini verdiyimiz məktəbimizin 5 "A" sinif şagirdi Paşayev Adil Sənan oğlu dekabr ayında Azərbaycan Gimnastika Federasiyası tərəfindən keçirilən mötəbər yarışda İdman Gimnastikası üzrə uğurla çıxış edərək II yerə layiq görülüb. Biz də Adilin uğuruna sevinib ona qarşıdakı yarışlarda da müvəffəqiyyətlər diləyirik!