230 №-li tam orta məktəb

Ağır atletika birincimizYarıyev Cavidan Gülbala oğlu-1998-ci ildə Bakı şəhərində Xəzər rayonunda anadan olub. 2005-ci ildə 230 saylı orta məktəbin I sinfinə qəbul olunub. Hal- hazırda məktəbin 10-cu sinfində təhsil alır. 2007-ci ildən idmanın müxtəlif növləri ilə məşğul olur. 2014-cü ildən ağır atletika ilə məşğul olur. Bir il ərzində müxtəlif yarışlarda iştirak etmişdir. "Spartak" KBTİCRŞ-nın açıq birinciliyində II yerə, Təhsil RİM-nin Respublika birinciliyində I yerə layiq görülmüşdür. Hal-hazırda məktəbdə təhsilini davam etdirməklə yanaşı idmanla da məşğul olur.

Şahmat üzrə uğurumuzAtakişiyev Elmar Telman oğlu 2004-cü ildə Bakıda anadan olub. Beş yaşından şahmatla məşğul olur, 2 dəfə 8 və 12 yaşlı uşaqlar arasında Bakı şəhəri üzrə keçirilən şəhər birinciliyi yarışında yer tutaraq, Azərbaycan Şahmat Çempionatına vəsiqə qazanıb. 2014-cü ildə şahmat üzrə Avropa kuboku mükafatına layiq görülüb. 2014-cü ildə oğlanlar arasında açıq turnirdə 1-ci yer qazanıb və həmin turnirin 1-ci yer mükafatına layiq görülmüşdür. Hal hazırda Azərbaycan üzrə 1-ci dərəcə təsnifat turnirindədir. Birləşmiş Ərəb Əmirliyi (Dubay), Gürcüstan və Çexiya ölkələrində keçirilən Avropa və Dünya Çempionatlarında iştirak edib. Şahmat üzrə Milli reytinq 2000 xal dərəcəsi və Beynəlxalq reytinqi 1654 xal dərəcəsi qazanıb. Elmar Atakişiyev Beynəlxalq Şahmat üzrə Qrossmeyster Fərid Abbasovun yetirməsidir. Hal hazırda Heydər Əliyevin xatirəsinə həsr olunmuş “Naxçıvan Open-2015” Beynəlxalq Şahmat turnirinə hazırlaşır. Onun ən böyük arzusu ölkəmizi Beynəlxalq Şahmat turnirlərində layiqincə təmsil etmək və bayrağımızı həmişə zirvələrə ucaltmaqdır.

Taekvando idman növü üzrə nailiyyətimizHacıyeva Röya Elxan qızı 1999-cu ildə anadan olub. Hal-hazırda 3- ildir Taekvando idman növü ilə məşğul olur. Bu zaman ərzində çoxlu sayda uğurları olub. 4 dəfə Azərbaycan Milli komandasına düşüb. Hal-hazırda gənclərdən ibarət milli komandadadır. İlk yarışı Lənkaranda keçirilibş Bu yarışda III yerə layiq görülüb.Bu yarışdan sonra yeniyetmələrin Respublika birinciliyində III yeri tutub . Şağan MOK-da keçirilən yarışda II yerə layiq görülüb. Daha sonra isə İranın Tehran şəhərində keçirilən yarışda I yeri tutub .Azərbaycanda keçirilən gənclərin Azərbaycan çempionatında II yerə layiq görülüb.Gənclərdən ibarət milli komandaya cəlb edilib, Daha sonra isə Türkiyənin Ankara şəhərində olan yoldaşlıq görüşündə I yerə layiq görülüb. Həmin yarışdan sonra Türkiyənin Kırıkkala şəhərində keçirilən yarışda bir daha I yeri tutub .Bu yarışdan sonra Azərbaycanda olan Gənclərin Azərbaycan birinciliyində bir daha I yerə layiq görülüb və milli komandanın tərkibinə cəlb edilib. Hal-hazırda milli komandanın tərkibindədir.