230 №-li tam orta məktəb

Xəzər rayon komandası birinci olduTəhsil işçiləri arasında müxtəlif idman növləri üzrə Bakı şəhər çempionatı təşkil olunmuşdur. Çempionat Azərbaycan Təhsil İşçiləri Azad Həmkarlar İttifaqı (ATİAHİ) və Bakı Şəhəri üzrə Təhsil İdarəsinin (BŞTİ) birgə təşkilatçılığı ilə keçirilir. Ənənəvi olaraq hər il keçirilən çempionatın əsas məqsədi təhsil işçilərinin idmana marağını daha da artırmaq, asudə vaxtlarını səmərəli təşkil etmək, sağlam və aktiv həyat tərzinin təbliği işini genişləndirməkdən ibarətdir. Məktəbimizin fiziki tərbiyə müəllimi Əsayə Ağayev stolüstü tennis idman növü üzrə Xəzər rayon komandasının tərkibində uğurlu çıxış edərək Bakı şəhər çempionu olmuşdur. Bu uğur münasibətilə müəllimimizi təbrik edirik.

Birinci sinif şagirdimiz Azərbaycan çempionu olmuşdurMəktəbimizin 1c sinif şagirdi Məmiyev Zaur Karate idman növü üzrə əldə etdiyi sayısız uğurlara görə fərqlənir. O iştirak ediyi əksər yarışlarda yüksək ustalıq nümayiş etdirərək qalib olmuşdur. Azyaşlı olmasına baxmayaraq o, Karate Do Federasiyasının narıncı kəmər dərəcəsinə qədər yüksəlib. Şagirdimizi əldə etdiyi uğurlara görə təbrik edir, ona yeni-yeni nailiyyətlər arzu edirik.

ŞAGİRDİMİZ ŞAHMAT ÜZRƏ AVROPA ÇEMPİONATINDAN UĞURLA QAYITDIMartın 16-sı 29-u arası Gürcüstanın Batumi şəhərində şahmat üzrə kişilər arası "Avropa Çempionatı" keçirilmişdir. Məktəbimizin 8c sinif şagirdi Atakişiyev Elmar bu yarışda da uğurla çıxış edərək öz beynəlxalq əmsalını 113 pillə qaldıraraq yarışı tamamlamışdır. Şagirdimizi bu uğur münasibətilə təbrik edir ona yeni nailiyyətlər arzu edirik.