230 №-li tam orta məktəb

Xəzər rayonunda müəllimlər arasında "Dama" yarışı keçirildi11 aprel 2025-ci il tarixində Bakı Şəhər Gənclər və İdman İdarəsi və Təhsil İşçiləri Azad Həmkarlar İttifaqı Xəzər rayon komitəsinin birgə təşkilatçılığı, 216 saylı tam orta məktəbin dəstəyi ilə Ümummilli Lider Heydər Əliyevin anadan olmasının 102 illiyinə həsr olunmuş Xəzər rayon orta ümumtəhsil məktəblərinin işçiləri arasında komanda dama turniri təşkil edildi. Turnirdə 10 komanda mübarizə apardı və sonda qalib komandalar aşağıdakı kimi müəyyən olundu: I yer - 121 nömrəli tam orta məktəb II yer - 230 nömrəli tam orta məktəb III yer - 206 nömrəli tam orta məktəb Qalib komandaları təbrik edir, uğurlar arzulayırıq.

Fibonacci intelektual oyunuBakı Şəhəri üzrə Təhsil İdarəsi (BŞTİ) Həmkarlar İttifaqı Komitəsinin təşkilatçılığı ilə paytaxtın təhsil işçiləri arasında onlayn olaraq, 15 iyun-Milli Qurtuluş Günü münasibətilə  "Fibonacci" intellektual oyunu keçirilmisdir. Bilik yarışında BŞTİ və Təlimə Dəstək Mərkəzinin əməkdaşları, həmçinin ümumi təhsil müəssisələrinin direktor və direktor müavinlərindən ibarət 33 komanda yeddi turda qalibiyyət uğrunda mübarizə aparmışdır. Məktəbimizi bu yarışda tərbiyə işləri üzrə direktor müavini Elzamin Həsənov təmsil edirdi. O, “İstiqlal” komandasının üzvü kimi yarışmada birinciliyə layiq görülmüşdür. Onlayn qaydada təşkil olunan yarışda qalib gəlmiş komandanın üzvlərinə kubok, diplom və hədiyyələr təqdim olunacaq. Məktəbimizi layiqincə təmsil etdiyi üçün Elzamin müəllimə təşəkkür edirik.

Xəzər rayon komandası birinci olduTəhsil işçiləri arasında müxtəlif idman növləri üzrə Bakı şəhər çempionatı təşkil olunmuşdur. Çempionat Azərbaycan Təhsil İşçiləri Azad Həmkarlar İttifaqı (ATİAHİ) və Bakı Şəhəri üzrə Təhsil İdarəsinin (BŞTİ) birgə təşkilatçılığı ilə keçirilir. Ənənəvi olaraq hər il keçirilən çempionatın əsas məqsədi təhsil işçilərinin idmana marağını daha da artırmaq, asudə vaxtlarını səmərəli təşkil etmək, sağlam və aktiv həyat tərzinin təbliği işini genişləndirməkdən ibarətdir. Məktəbimizin fiziki tərbiyə müəllimi Əsayə Ağayev stolüstü tennis idman növü üzrə Xəzər rayon komandasının tərkibində uğurlu çıxış edərək Bakı şəhər çempionu olmuşdur. Bu uğur münasibətilə müəllimimizi təbrik edirik.