230 №-li tam orta məktəb

Bakı Şəhəri üzrə Təhsil İdarəsi (BŞTİ) tərəfindən keçirilən “Məktəb seminarları”nın növbəti sessiyaları Xəzər və Pirallahı rayonlarının ümumi təhsil müəssisələrini əhatə edib.

Sessiyalarda Bakı Şəhəri üzrə Təhsil İdarəsinin (BŞTİ) müdiri Rəşad Tağıyev, BŞTİ-nin müvafiq struktur bölmə rəhbərləri, Təlimə Dəstək Mərkəzinin (TDM) nümayəndələri, məktəb direktorları, təlim-tərbiyə  və təşkilati işlər üzrə direktor müavinləri, uşaq birliyi rəhbərləri, Azərbaycan dili, Riyaziyyat və İngilis dili fənni üzrə metodbirləşmə sədrləri, məktəb saytlarını idarə edən şəxslər  iştirak ediblər.

 “Məktəb seminarları” layihəsinin məktəb direktorları üçün keçirilən sessiyasında çıxış edən BŞTİ-nin müdiri Rəşad Tağıyev ümumi təhsil müəssisələrinin idarəedilməsi işinin təkmilləşdirilməsi, məktəblərin ictimai nüfuzunun daha da artırılması, tədrisin təşkili, layihələrin icrası, buraxılış imtahanlarının yeni qaydalar çərçivəsində təşkili məsələlərindən danışıb.

İdarə müdiri həmçinin 2019-2020-ci dərs ilində Təhsil Nazirliyinin “Ümumi təhsil sahəsində 2018-2019-cu dərs ilinin prioritet fəaliyyət istiqamətləri barədə” əmrində və “Müasir dövrdə ümumi təhsil məktəb şagirdlərinin tərbiyəolunma sisteminin daha da təkmilləşdirilməsi ilə bağlı tədbirlər haqqında” əmri ilə təsdiq olunmuş Fəaliyyət Planında müəyyən edilmiş hədəflərin yerinə yetirilməsi istiqamətində görülən işlərdən, həyata keçirilən layihələrdən və qarşıda duran vəzifələrdən bəhs edib.

Digər sessiyalarda məktəblərin keyfiyyət göstəriciləri, istedadlı şagirdlərlə iş, şagird nailiyyətlərinin qiymətləndirilməsi, keyfiyyətə nəzarət, məktəbdənkənar fəaliyyətin düzgün planlaşdırılması, ictimaiyyətlə əlaqə işinin səmərəliliyinin artırılması, məktəb saytlarının idarə olunması, ümumi təhsil müəssisələrində məktəbdaxili metodiki işə nəzarət, təlim-tərbiyə prosesinin təşkili, məktəblilərin hərtərəfli vətəndaş kimi formalaşdırılması və digər müvafiq mövzularda çıxışlar edilib, iştirakçıları maraqlandıran suallar cavablandırılıb.

Sessiyalarda qeyd olunan məsələlərlə bağlı təklif və tövsiyələr səsləndirilib. Müvafiq məsələlər ətrafında müzakirələr aparılıb.

Qeyd edək ki, “Məktəb seminarları”nın keçirilməsinin əsas məqsədi Təhsil Nazirliyinin müvafiq əmri ilə təsdiq olunmuş Fəaliyyət Planından irəli gələn məsələlərin ümumi təhsil məktəbləri tərəfindən səmərəli icrasını və təhsildə keyfiyyətin daha dayanıqlı olmasını təmin etmək, həmçinin ümumi təhsil sahəsində müasir dövrün çağırışlarına əsaslanmaqla inkişafı şərtləndirən keyfiyyət dəyişikliklərinə nail olmaq, bu prosesdə BŞTİ-nin və tabeliyindəki ümumi təhsil məktəblərinin pedaqoji kollektivlərinin imkanlarını səfərbər etməkdən ibarətdir. 

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 9 noyabr-Dövlət Bayrağı Günü ilə əlaqədar tədbirlər keçirilib.

Belə ki, təhsil müəssisələrində məktəbliləri milli-mənəvi dəyərlərə, dövlət atributlarına hörmət və Vətənə məhəbbət ruhunda tərbiyə etmək, onlarda vətənpərvərlik hissini yüksəltmək məqsədilə Dövlət Bayrağı Gününə həsr olunan konfrans, ədəbi-bədii gecə, mühazirə, disput və “Dəyirmi masa”lar təşkil edilib. Eləcə də təhsil müəssisələrində dövlət atributlarına aid fotostendlər hazırlanıb, məktəblilər arasında rəsm, bədii qiraət, inşa yazı müsabiqələri, idman yarışları  keçirilib, şagirdlərin əl işlərindən ibarət sərgilər təşkil olunub.  

“Dalğalanan Bayraq”, "Mənim bayrağım", "Bayraq mənliyimdir", “Bir kərə yüksələn bayraq bir daha enməz!”, “Bayrağımız baş tacımız”, “Qarabağda dalğalan, bayrağım”, “Bayrağımız  qürur  mənbəyimizdir!”, “Mənim bayrağım ən gözəl bayraqdır” və digər mövzularda təşkil olunmuş tədbirlər Azərbaycan Respublikasının Dövlət himninin səsləndirilməsi ilə başlayıb. Tədbirlərdə bayrağımızın yaranma tarixi, ulu öndər Heydər Əliyevin Dövlət bayrağı haqqındakı fikirləri, Azərbaycan bayrağının şanlı tarixi haqqında geniş məlumat verilib. Bildirilib ki, ölkə başçısının 17 noyabr 2009-cu il tarixli Sərəncamı ilə təsis edilən Dövlət Bayrağı Günü müqəddəs bayrağımıza, tarixi keçmişimizə və mənəvi-siyasi dəyərlərimizə dövlət səviyyəsində olan diqqət və ehtiramın ən yüksək göstəricisidir.

Çıxış edənlər Dövlət Bayrağı Gününün bütün azərbaycanlılar tərəfindən qeyd edilməsini milli birliyin nişanəsi adlandırıb, şagirdlərə uğrunda minlərlə Vətən övladının canından keçdiyi bayrağımızı uca tutmağı tövsiyə ediblər.

Həmçinin Ali Baş Komandan İlham Əliyevin rəhbərliyi altında tezliklə torpaqlarımızın düşmən işğalından azad ediləcəyinə, üçrəngli bayrağımızın doğma Qarabağımızın hər bir guşəsində dalğalanacağına əminlik bildirilib.

Tədbirlərdə şagirdlər bayraq, vətənpərvərlik mövzusunda şeirlər söyləyib, mahnılar ifa edib və ədəbi-bədii kompozisiyalar nümayiş etdiriblər.

2019-2020-ci tədris ilinin I yarımilində nümunəvi dərslərin təqdimatı , fənn aylıqlarının təşkili ilə bağlı məktəb rəhbərliyinin göstərişinə əsasən oktyabr ayının təsviri incəsənət və texnologiya fənn aylığı hesab edilməsi səbəbi ilə III C sinfində Əligülova Arzu müəllimə tərəfindən texnologiya fənni üzrə "Gəlinciyin yapma üsulu ilə hazırlanması " mövzusunda nümunəvi dərs təşkil olundu. Dərs zamanı əyani vəsaitlərdən düzgün istifadə, şagirdlərin dərsin mərhələlərini planlı şəkildə həvəslə  həyata keçirməsi böyük rəğbətlə qarşılandı. Sonda dərsi izləyənlər  fənn müəllimləri, birgə dərsin gedişi ilə bağlı müzakirə təşkil etdilər. 

2019-2020-ci tədris ilinin I yarımilində nümunəvi dərslərin təqdimatı , fənn aylıqlarının təşkili ilə bağlı məktəb rəhbərliyinin göstərişinə əsasən oktyabr ayının təsviri incəsənət və texnologiya fənn aylığı hesab edilməsi səbəbi ilə bu gün VII A sinfində Abbasova İncixanım müəllim tərəfindən texnologiya fənni üzrə "Oduncağın mexaniki və fiziki xassələri " mövzusunda nümunəvi dərs təşkil olundu. Dərs zamanı əyani vəsaitlərdən düzgün istifadə, şagirdlərin dərsin mərhələlərinə uyğun planlı və fəal iştirakı diqqət edilən məqamlardan idi. Sonda dərsi izləyən məktəbin direktor əvəzi Tural Hətəmov digər fənn müəllimləri ilə birgə dərsin gedişi ilə bağlı müzakirə təşkil etdi. Dərs zamanı yaranan müsbət hallar qeyd edildi, bir sıra məqamlar diqqətə çatdırıldı. Maraqlı dərs üçün İncixanım müəllimə öz təşəkkürümüzü bildiririk.

Ölkə başçısının idmana qayğısının günbəgün artması məktəblilər arasında da marağın çoxalması ilə diqqət çəkir. Bu gün məktəbimizin idman meydançasında Gənclər və İdman Nazirliyi, Təhsil Nazirliyi, Milli Olimpiya Komitəsi, Məktəbli İdman Federasiyasının dəstəyi, Xəzər Rayon İcra Hakimiyyəti, Xəzər rayon Gənclər və İdman İdarəsi, 5 nömrəli İxtisaslaşdırılmış Olimpiya Ehtiyatları Uşaq Gənclər İdman Məktəbinin təşkilatçılığı ilə Xəzər rayon məktəbləri arasında yüngül atletikanın qaçış növü üzrə "Məktəblər arasında Respublika Çempionatı" keçirilmişdir. İştirak edən komandalar verilən təlimatlara uyğun yarışmış, nəticədə 26 saylı tam orta məktəbin şagirdləri I, 181 nömrəli tam orta məktəbin şagirdləri II, 320 nömrəli tam orta məktəbin şagirdləri isə III yeri qazanmışlar. Qələbə qazanmış şagirdlər diplomlarla mükafatlandırılmışdır.
Yarışın təşkil edilməsində əməyi keçən müəllim və texniki işçi heyətimizə öz təşəkkürümüzü bildiririk.