230 №-li tam orta məktəb

Şagirdimiz Azərbaycan çempionu olduMəktəbimizin 9b sinif şagirdi Baxşıyev Əli futbol üzrə 14 yaşlılardan ibarət Qəbələ FK-nun üzvüdür. O, U-14-lər arasında keçirilən Azərbaycan çempionatında komandası ilə birlikdə fərqlənərək Azərbaycan çempionu olmuşdur. Qeyd edək ki, Qəbələ FC U 14-lər arasında Azərbaycan çempionatının finalında Vətən komandasını 1-0 hesabı ilə məğlub edərək bu uğuru əldə edib.

Sərbəst güləş üzrə qalibimizMəktəbimizin 11-ci sinif şagirdi Abdullayev Elgiz sərbəst güləş üzrə əldə etdiyi nailiyyətlərə görə fərqlənir. O, "İdman zərərli vərdişlərə qarşı güclü mübarizə vasitəsidir" adlı açıq rayon birinciliyində 1-ci yerə, "Dünya Azərbaycanlılarının Həmrəylik gününə" həsr olunmuş sərbəst güləş üzrə açıq birinciliyində 2-ci yerə, "Aprel şəhidlərinə" həsr olunmuş azyaşlılar arasında Respublika turnirində 1-ci yerə, Qobustan Şəhəri Uşaq Gənclər Məktəbinin açıq birinciliyində uşaqlar və yeniyetmələr arasında keçirilən turnirdə 2-ci yerə layiq görülmüşdür. Onu əldə etdiyi bu uğurlara görə təbrik edir və ona yeni-yeni nailiyyətlər arzu edirik.

Şahmat qalibimizHəsənzadə Məhəmməd Mehman oğlu məktəbimizin VA sinfində təhsil alır. Məktəbimizin fəal şagirdlərindən olmuş Məhəmmədin şahmat üzrə bir sıra nailiyyətləri olmuşdur. Belə ki, fevralın 25-i 2012-ci ildə Xocalı şəhidlərinin xatirəsinə həsr edilmiş Respublika şahmat turnirində I yerə, 24 oktyabr 2012-ci ildə Yeni Azərbaycan Partiyasının 20 illik yubileyi münasibət ilə məktəblilər arasında təşkil edilən şahmat yarışı üzrə I yerə, 2014- cü il 6 mart tarixində Xocalı şəhidlərinin xatirəsinə həsr edilmişTəhsil Respublika İdman Mərkəzinin birinciliyində I yer tutduguna görə, 2014-cü il 12 oktyabr Azərbaycan Respublikası Təhsil Mərkəzində təşkil edilən şahmat oyunlarında II yer tutduğuna görə diplomlarla, 20 oktyabr 2014-cü ildə Gürcüstanın Batumi şəhərində ölkədaxili şahmat çempionatında milli komandamızın tərkibində II yer tutduğuna görə sertifikatla təltif olunub. 2015-ci il 24 may tarixində Respublika İxtisaslaşdırılmış Olimpiya Ehtiyatları Uşaq Gənclər şahmat məktəbində 28 May Respublika Gününə həsr olunmuş rapit turnirinin A qrupunda II və I dərəcəli şahmatçılar arasında keçirilən yarışda III yeri qazandığına görə medal və diplomla təltif olunmuşdur. 2015-ci il 23 dekabr 10 yaşınadək uşaqlar arasında şahmat üzrə Bakı şəhər birinciliyində I yer tutduğuna görə kubok , medal, diplom və 10 yaşadək uşaqlar arasında Bakı birinciliyinə layiq görülmüşdür. 2016-ci il fevralın 22-si Təhsil Respublika İdman Mərkəzinin Lənkəranda keçirdiyi komandalarının respublika birinciliyi üzrə zona yarışlarında II yer tutduğuna görə, 2016-cı il mayın 18-i “Azərbaycan Respublikası Naxçıvan -2016 Beynəlxalq Şahmat festivalı” nda C qrupunda yarışaraq 10 yaşadək oğlanlar arasında II yerə layiq görülmüşdür. 25 dekabr 2016-cı il Beynəlxalq Qrossmeyster Vüqar Haşımov adına Şahmat Akademiyasının təşkil etdiyi Dünya Azərbaycanın Həmrəylik Gününə həsr olunmuş şahmat festivalının uşaq turnirində fərqləndiyinə görə diplomla təltif olunub. 2017-ci il mayın 12-də “Azərbaycan Respublikası Naxçıvan Open-2017 Beynəlxalq Şahmat festivalı”nda C qrupunda yarışan 159 nəfər arasında II yerə layiq görülüb. Diplom şəxsən Azərbaycan Respublikası Gənclər və İdman naziri Azad Rəhimov tərəfindən təqdim edilib.