“Riyaziyyat bütün elmlərin açarıdır” adlı viktorina keçirilib
Məktəbdə fənlərin tədrisi vəziyyətinin yüksəldilməsi, müəllim və şagirdlərin təlimə marağının artırılması, müəllimlərin gündəlik fəaliyyətlərinə yaradıcı yanaşmalarının təmin olunması, fənlər üzrə bilik, bacarıq və vərdişlərin inkişafına daha geniş şəraitin yaradılması üçün hər il olduğu kimi bu ildə fənn aylıqlarının keçirilməsi məktəbin fəaliyyət planında qeyd olunub . Dekabr ayı riyaziyyat fənninin tədrisi vəziyyətini yaxşılaşdırmaq, şagirdlərin fənnə olan maraq və meyillərini gücləndirmək, bilik və məlumatlarını genişləndirmək məqsədilə “Riyaziyyat fənni aylığı” elan olunmuşdur.
Məktəbin riyaziyyat müəllimləri Mətanət Məmmədova və İlahə Ramazanovanın təşkilatçılığı ilə “Riyaziyyat bütün elmlərin açarıdır” adlı viktorina keçirilib.Vktorinanın birinci mərhələsində fənn müəllimlərindən təşkil olunmuş münsiflər heyəti tərəfindən şagirdlərin nəzəri bilikləri yoxlanılıb, 2- ci mərhələdə isə 4 komanda üzvləri təqdim olunmuş suallar əsasında iş vərəqlərində maraqlı riyazi tapşırıqları həll ediblər. Viktorinanın 3-cü mərhələsində komanda rəhbərləri köməkçi üzvlərin köməyi ilə yarışıblar. Lütfi Zadənin 100 illiyi ilə əlaqədr verilmiş tapşırıqlar üzərində iş prosesində 6"A" sinif şagirdi Xəlilov Nofəl Lütfizadə haqqında təqdimat edib. Sonda viktorinanın qalibi olan “Çevrə” qrupunun üzvləri məktəb müdiriyyəti tərəfindən diplomlarla təltif olunublar.
