164 №-li tam orta məktəb

Azərbaycan Respublikası Prezidentinin 2011-ci il 27 dekabr tarixli 1938 nömrəli Sərəncamı ilə təsdiq edilmiş "Azərbaycan Respublikasında insan hüquq və azadlıqlarının müdafiəsinin səmərəliyini artırmaq sahəsində Milli Fəaliyyət Proqramı"na əsasən 06.12.2023-cü il tarixində sinif rəhbəri Dilarə Kərimova və biologiya müəllimi Məmmədova Mehriban tərəfindən məktəbin 8"Ç" sinif şagirləri ilə birgə "İşgəncə və digər qəddar qeyri-insani və ləyaqəti alçaldan rəftar və cəza əleyhinə mübarizə" mövzusunda maarifləndirici söhbət aparıldı. Söhbət zamanı şəxsiyyətin formalaşmasına mane olan səbəblər, şəxsiyyətin özünü qiymətləndirməsi, təsir altına düşmə, bullinq faktına məruz qalma və s. bu kimi problemlər müzakirə olundu. Şagirdləin fikri dinlənildi, verilən suallara aydınlıq gətirildi və müəyyən məsləhətlər verildi.

Məktəbin psixoloqları Gülsənəm Bayramlı və Gültəkin İskəndərova dəyirmi masa ətrafında ”Erkən nikah" adlı psixoprofilaktik söhbət keçiriblər. Görüşdə şagirdlərin diqqətinə çatdırılıb ki, Ümumdünya İnsan Hüquqları Bəyannaməsind ə dədeyilir ki, erkən yaşda nikaha daxilolma ilk növbədə insan hüquqlarının pozulmasıdır. Eyni zamanda təhsilin keyfiyyətinin aşağı düşməsi və ən başlıcası isə təhsildən yayınmaqdır. Bunun həm elmi, həm də insan orqanizminə böyük zərəri var.
Sonda şagirdlər mövzu ilə bağlı videoçarxı izlədikdən sonra  onlara təqdim olunan sorğu vərəqini doldurdular.

Məktəbdə Nəsimi Rayon İcra Hakimiyyəti Başçısının müavini Gülarə Verdiyeva və Nəsimi RPİ-nin İctimai Təhlükəsizlik Şurasının YYÇ-larla profilaktiki işin təşkili bölməsinin inspektoru Yeganə Zeynalovanın iştirakı ilə “Zərərli vərdişlərə qarşı “maarifləndirici tədbir keçirilib. Məktəbin direktoru Kəmalə Qədirova tədbirdə çıxış edərək bildirib ki, ölkə başçısı cənab İlham Əliyev “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019–2024-cü illər üçün Dövlət Proqramı”nın təsdiq edilməsi barədə imzaladığı sərəncamı insanları sağalmaz xəstəliklərə düçar edən bu dəhşətli bəlaya qarşı mübarizə sahəsində atılmış ən xeyirxah addım kimi dəyərləndirmək gərəkdir. Sərəncamda bəşəriyyətin bu dəhşətli bəlasına qarşı ayrı-ayrı dövlət strukturlarının, qeyri-hökumət təşkilatlarının, kütləvi informasiya vasitələrinin, hüquq- mühafizə orqanlarının, təhsil və səhiyyə sisteminin birgə mübarizə aparması, onun qismən də olsa, yayılmasının və kütləvi hal almasının qarşısının qətiyyətlə alınması təxirəsalınmaz bir vəzifə kimi qarşıya qoyulub. Tədbirdə çıxış edən psixoloqlar məktəblilər arasında zərərli vərdişlərə qarşı mübarizənin əhəmiyyəti barədə danışıblar.Sonda qeyd olunub ki, narkomaniyanın cəmiyyətə və ümumulikdə, bəşəriyyətə vurduğu ziyanın qarşısının alınması üçün bütün vasitələrdən istifadə edərək ,lazımi tədbirlər görülməsinin vacibliyi vurğulanıb.

  Əmək və Əhalinin Sosial Müdafiəsi Nazirliyinin, Elm və Təhsil Nazirliyinin dəstəyilə Dənizkənarı Milli Park ərazisində “Peşələr festivalı “ keçirilib. Festivala qatılan yeniyetmə və gənclərin gələcəkdə əmək bazarının necə formalaşacağı və peşələr üzrə hansı bacarıqların tələb olunacağı barədə məlumatlar əldə etmək, peşələrlə əyani şəkildə tanış olmaq imkanı qazandırılıb. Festival təşkilatçıları gənclərin mövcud əmək bazarının tələbləri barədə məlumatlılığının artırılmasının, onların bu tələblərə uyğun düzgün peşə seçiminə köməklik göstərilməsinin vacibliyini, bu baxımdan Peşələr Festivalının önəmini diqqətə çatdırıblar.Qeyd edək ki, Festival boyunca robototexnika, proqram tərtibatçısı, data analitika, aşpaz, barista, aqronom, bərbər, mobil telefonların təmiri ustası, elektrik avadanlıqların təmiri, yardım masası, Uİ/UX dizayner, qrafik dizayner, geyim üzrə dizayner, fotoqraf/videoqraf peşələri üzrə peşəkar ekspertlər tərəfindən təqdimat və vörkşoplar keçirilib. Festivalda məktəbin müdiriyyəti, 8-11 ci sinif şagirdləri də iştirak ediblər.

   Məktəbin ingilis dili müəllimləri Abdalova İlahə və Hüseynova Gülşənin təşkilatçılığı ilə Ingilis dili aylığı çərçivəsində 9 "A" ve 8 "D" sinif şagirdləri "The way to Zengezur" movzusunda təqdimatlarla çıxış ediblər. İlk öncə şəhidlərimizin ruhu hörmətlə yad edilib. Sonra şagirdlər ermənilərin xalqımızın başına gətirdiyi 31 Mart Soyqırım Günü haqqında danışıblar. Eyni zamanda I Qarabağ müharibəsi, Tovuz, Aprel döyüşləri haqqında təqdimatlarla çıxış ediblər. Sonda Zəfər tariximizi özündə əks etdirən videoçarxa tamaşa ediblər.