Məktəbdə qazilərlə görüş keçirilib
Məktəbdə 27 Sentyabr Anım Günü münasibətilə tədbir keçirilib. Tədbirdə iştirak edən şagirdlər ilk öncə Azərbaycan Respublikasının Dövlət Himnini oxuyublar. Tədbirdə ikinci Qarabağ müharibəsinin qaziləri Kənan Şərifov ,Əli Aslanov iştirak edib.Tədbirin təşkilatçısı tarix müəllimi Ofelya Cəfərova şagirdlərə bu qələbənin şanlı hərbi qələbə, dövlətimizin, xalqımızın, ordumuzun gücünü göstərən qələbə olduğunu bildirib. Şagirdlər təqdimatlarında bildiriblər ki, tarixin ən ağır sınaqlarından üzüağ, şərəflə çıxmağı bacarmış məmləkətimizin var olmasının kökündə dayanan ən ümdə səbəblərdən biri bu torpağın övladlarının Vətənə sonsuz məhəbbəti olub. Tədbirdə çıxış edən qazilər ağır,şərəfli döyüş yollarından danışıblar. Şagirdlər Vətən müharibəsində şücaət göstərmiş əsgərlərin qəhrəmanlıqlarını əks etdirən videoçarxı izləyiblər. Tədbirin sonunda məktəbin foyesində qazilərlə xatirə şəkli çəkilib.
