144 №-li tam orta məktəb

"Təməl" layihəsinin qalibiMəktəbimizin ibtidai sinif müəllimi Əliyeva Zəminə Yafəs qızı proqramı uğurla başa vuraraq “Təməl” sertifikatına layiq görülmüş və onun dərs dediyi sinif otağı müvafiq İKT avadanlığı ilə təchiz olunmuşdur. Zəminə müəllimi bu uğuru münasibəti ilə təbrik edirik!

İKT təlimlərində fərqlənən müəllimlərimizN.Babayev adına 144 N-li tam orta məktəbin ibtidai sinif müəllimləri Ceyhunə Novruzova, Şövkət Novruzova və Ülviyyə Vahidova “İbtidai siniflərdə dərs deyəcək müəllim heyəti üçün tədris prosesində interaktiv texnologiyalardan və elektron məzmundan istifadə” və “Təhsil sisteminin inzibati-idarəetmə heyətləri üçün İKT üzrə savadlılığın artırılmasına yönəldilmiş treninq xidmətləri” adlı təlimlərdə yüksək nəticə göstərmişdir

Abbasova Ayan – 8b sinif şagirdi-kiçik rəssamAbbasova Ayan hal-hazırda məktəbimizin 8-ci sinfində oxuyur. Ayan 2011-ci ilin aprel ayında Mədəniyyət və Turizm Nazirliyinin elan etdiyi “Müstəqil Azərbaycanım” adlı müsabiqəyə “Sabahı nurlu Azərbaycanım” adlı müsabiqəyə qatılmış, Fəxri Fərmanla təltif olunmuşdur. 16 noyabr 2011-ci ildə keçirilən Azərbaycan Respublikası Uşaqlarının II Forumuna nümayəndə seçilmiş və o forumda iştirak etmişdir. 2011-ci il 24 noyabr tarixində Bakı Şəhəri Təhsil İdarəsi tərəfindən keçirilən əl işləri və tətbiqi sənət üzrə keçirilən müsabiqədə I yer tutmuşdur. 9 dekabr 2011-ci ildə Azərbaycan Respublikası Təhsil Nazirliyi tərəfindən keçirilən Respublika müsabiqəsində “Dekorativ tətbiqi sənət” nominasiyasında II yeri tutmuşdur. Daha sonra 2014-cü ildə Binəqədi Rayon Gənclər və İdman İdarəsinin “Xocalı qan yaddaşımız” adlı rəsm müsabiqəsində Fəxri Fərmanla təltif olunmuşdur. Bakı Şəhər İcra Hakimiyyətinin təşkil etdiyi “Heydər Əliyev-90” rəsm və dekorativ-tətbiqi sənət nominasiyasında 2-ci yeri tutmuş, pul mükafatı almışdır. Ayan eyni zamanda 2011-ci ildən Fikrət Əmirov adına 6 nömrəli onbirillik Uşaq İncəsənət məktəbinin Rəssamlıq ixtisası üzrə təhsil alır.