Şagirdlərimiz VII Bakı Beynəlxalq kitab sərgisində
6-10 oktyabr 2021-ci il tarixində Bakı Ekspo Mərkəzində VII Bakı Beynəlxalq Kitab Sərgi-Yarmarkası “Baku International Book Fair 2021” keçirilib. Sərginin məqsədi kitab və mütaliəni təbliğ etmək və populyarlaşdırmaq, ziyarətçiləri həm Azərbaycan, həm də xarici nəşriyyatların çap məhsulları ilə tanış etmək, nəşriyyat işinə dəstək vermək, nəşriyyatları potensial əməkdaşlıq üçün kitab mağazaları ilə tanış etmək, eləcə də rəqəmsal dövrdə kitab biznesinin inkişafı ilə bağlı təcrübə və fikir mübadiləsini təmin etməkdir.
“Baku International Book Fair 2021” kitab sərgisi dünya ədəbiyyatının görkəmli nümayəndəsi, Azərbaycanın dahi şair və mütəfəkkiri Nizami Gəncəvinin 880 illik yubileyinə həsr olunub. Sərgidə nəşriyyatlar, mətbəələr, kitab mağazaları və mədəniyyət mərkəzləri təqdim olunub.
Məktəbimizin bir qrup yuxarı sinif şagirdləri, tərbiyə işləri üzrə direktor müavini, uşaq birliyi rəhbəri, məktəb psixoloqu və sinif rəhbərləri ilə birgə 08.10.2021 tarixində sərgidə olublar. Müxtəlif əsərlərlə, çap məhsuıları ilə yaxından tanış olublar. Maraqlı təqdimatları izləyiblər. Onlar sərgidən xoş təəssüratlarla ayrılıblar.
