96 №-Lİ TAM ORTA MƏKTƏB

             İlqar Məcid oğlu Əliyev 25 noyabr 1967-ci ildə Bakı şəhərində anadan olub.

İlqar  96 nömrəli tam orta məktəbdə 8-ci sinfi bitirdikdən sonra  təhsilini 74 nömrəli  TPM-(indiki 12 nömrəli Peşə Liseyində) davam etdirib. 1981-1983-cü illərdə o, çox cüssəli gənc olduğu üçün keçmiş DOSAF hərbi idman klubunun nəzdində  təşkil olunmuş paraşütçü qruplarda hərbi- idmanın bu növü ilə məşğul olub.

Hərbi xidmətdə olarkən SSRİ-nin Hərbi  Hava Qüvvələrinə aid bölmələrində (desantçı) xidmət edib. O, Azərbaycana gələndə artıq Qarabağ hadisələri başlanmışdı. İlqar 1989-cu ildə bakılı könüllülərindən təşkil edilmiş özünümüdafiə dəstələrinin tərkibində  Qarabağın Xocalı, Şuşa, Ağdam ərazisində gedən döyüşlərdə iştirak edib,  eyni zamanda,  o, Xocalı Hava limanının mühafizə hissəsində də xidmət edib. Özünümüdafiə dəstələrindən sonra döyüş  yolunu  Xüsusi  Təyinatlı  Polis  hərbi  birləşmələrində  davam etdirib.

Onun döyüş yolu 1989-1992 ci illərdə Qarabağ bölgəsi və Goranboy rayonu ərazisində gedən döyüşlərdən keçib. 1991-ci il iyunun 6-da Goranboy rayonunun Buzlaq kəndinin müdafiəsi zamanı həlak olub. Azərbaycan Respublikası  Nazirlər kabinetinin Qərarına əsasən 2 aprel 1993-cü il tarixində 96 nömrəli tam orta məktəbə İlqar Əliyevin adı verilib.