96 №-Lİ TAM ORTA MƏKTƏB

15.07.2024-cü il tarixdə 96 nömrəli tam orta məktəbdə 2023-2024-cü tədris ili üzrə tam orta təhsil səviyyəsindən məzun olan 90 şagirddən 8 nəfərinə, ümumi orta təhsil səviyyəsi üzrə məzun olan 85 şagirddən isə 3 nəfərinə fərqlənmə attestatları təqdim olunub. Məzunlarımızı təbrik edir, uğurlar arzu edirik!

11.07.2024-cü il tarixdə 96 nömrəli tam orta məktəbin ümumi orta təhsil səviyyəsindən məzun olan 88 nəfər şagirdindən 85 nəfərinə ümumi orta təhsil haqqında adi attestatlar verilib. Attestatlar şagirdlərə təqdim olunduqdan sonra xatirə fotosu çəkilib.

09.07.2024-cü il tarixdə   96 nömrəli tam orta məktəbin 4 sinfində  komplektləşdirilmiş 90 nəfər XI sinif məzunundan  82 nəfərinə tam orta təhsil haqqında adi attestatlar verilib. Attestatlar məzunlara məktəb rəhbərliyinin və müəllimlərin iştirakı ilə təntənəli şəkildə təqdim olunub. Məzunlarla xatirə fotosu çəkilib.

Bakı Şəhəri üzrə Təhsil İdarəsi (BŞTİ) tərəfindən paytaxtın təhsil müəssisələrinin iştirakı ilə “Məktəblinin yay mütaliəsi” adlı layihəsinə start verilir.

Layihənin əsas məqsədi şagirdlərin yay tətili günlərində asudə vaxtlarının səmərəli təşkili, mütaliəyə maraqlarının artırılması, kitab mübadiləsi mədəniyyətinin genişləndirilməsi, oxu bacarıqlarının inkişaf etdirilməsi və nitq vərdişlərinin təkmilləşdirilməsindən ibarətdir.

Layihə çərçivəsində paytaxtın təhsil müəssisələri şagirdlərin oxuduğu kitabları əks etdirən fotoşəkilləri, yaxud oxuduqları əsər və onun müəllifi ilə bağlı fikirlərinə dair videogörüntüləri məktəbin sosial şəbəkə hesablarında #məktəblininyaymütaliəsi haşteqi ilə paylaşması nəzərdə tutulur.

Qeyd edək ki, layihə sentyabr ayına qədər davam edəcək.

İyunun 21-də dövlət ümumi təhsil müəssisələrində çalışan təhsilverənlərin sertifikatlaşdırılması prosesinin test imtahanı mərhələsinə başlanılıb.

Qaydalara müvafiq olaraq, test imtahanı ilə bağlı məlumat 15 may tarixində iştirakçıların şəxsi kabinetlərinə göndərilib.

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində çalışan 2 379 təhsilverən sertifikatlaşdırma prosesinin test imtahanı mərhələsinə  dəvət olunub.

Məktəbəqədər və Ümumi Təhsil üzrə Dövlət Agentliyinin direktor müavini, Agentliyin Bakı Şəhəri üzrə Təhsil İdarəsinin müdiri vəzifəsini müvəqqəti icra edən Nərminə Hüseynova və BŞTİ-nin müvafiq struktur bölmə rəhbərləri imtahan mərkəzinə gəlib və müəllimlərə öz tövsiyələrini verib, uğurlar arzulayıb.

Qeyd edək ki, test imtahanı mərhələsində 120 dəqiqə müddətində təhsilverənlərin tədris etdiyi fənn üzrə ümumi təhsil proqramlarına, tədris metodikasına və təlim strategiyalarına aid 60 sual təqdim edilir. Hər düzgün cavab 1 balla qiymətləndirilir. Bu mərhələnin nəticələri üzrə balların hesablanması avtomatlaşdırılmış rejimdə proqram təminatı vasitəsilə həyata keçirilir və imtahan başa çatdıqdan dərhal sonra namizədin kompüterinin ekranında görünür.

Nəzərinizə çatdırırıq ki, test imtahanında mümkün 60 baldan minimum 30 bal toplamış təhsilverənlər sertifikatlaşdırmanın müsahibə mərhələsinə iştirak hüququ qazanacaq.

Xatırladaq ki, Nazirlər Kabinetinin 18 avqust 2022-ci il tarixli qərarına əsasən, dövlət ümumi təhsil müəssisələrinin təhsilverənlərinə sertifikatlaşdırmanın nəticəsinə uyğun olaraq tədris edilən dərs saatına görə test imtahanı mərhələsində nəticə göstərənlərin vəzifə maaşlarına əlavələr ediləcək.

Sertifikatlaşdırmada iştirak edən bütün müəllimlərə uğurlar arzulayırıq!