Məktəbimizin 4C sinif şagirdi Əliyev Fərid 2021ci ilin mart ayından Braziliya Jiu-Jitsu idman növü ilə məşğul olur. Yerli çempionatlarda iştirak edərək 1 qızıl, 3 gümüş, 2 bürünc medal qazanmışdır. Həmçinin ölkə hüdudlarından kənarda da uğurlarını davam etdirərək BƏƏ-nin Al-Ain şəhərində keçirilən festival çempionatında 1-ci yerə layiq görülərək qızıl medal qazanmışdır. 2022-ci ilin noyabr ayında BƏƏ-nin Abu-Dhabi şəhərində keçirilən Dünya çempionatında 34 kiloqram çəki və ağ kəmər dərəcəsində iştirak edərək hesabına daha bir qızıl medal əlavə edərək Dünya Çempionu adına layiq görülmüşdür. Şagirdimizi təbrik edir, uğurlarının və nəaliyyətlərinin davamını arzu edirik.
25-28 aprel tarixləri arasında Türkiyənin Antalya şəhərində baş tutan qılıncoynatma üzrə EFC U14 Cirkuit turniri çərçivəsində məktəbimizin 8 C sinif şagirdi Rəhman Məmmədov Anar oğlu şəxsi yarışda 107 iştirakçı arasında 6-cı yerə layiq görüldü və bürünc medal və diplomla mükafatlandırıldı. Komanda yarışında isə komanda üzvləri 22 komanda arasında 3-cü yerə layiq görülərək bürünc medala sahib oldular.
Həmçinin, Rəhman Məmmədov nəticələrinə görə "İdman Ustalığına Namizəd" dərəcəsinə laiq görüldü.
Şagirdimizi təbrik edir, gələcək yarışlarda və təhsilində uğurlarının bol olmasını arzulayırıq.