“Hərəyə bir ağac əkək” layihəsi
"Təhsili dəyərə çevirək” devizi altında reallaşdırılan “Ekoloji aylıqlar” layihəsinin aprel ayına olan mövzusu “Azərbaycanın təbii sərvətləri və biomüxtəlifliyi”dir. Aprelin 17-də Ağabəy Novruzbəyli adına 46 nömrəli tam orta məktəbdə mövzu çərçivəsində “Hərəyə bir ağac əkək” layihəsi həyata keçirilib. “Ekologiya və Sağlamlıq” istiqamətində həyata keçirilən layihədə məktəbin şagird, müəllim və valideynlərinin iştirakı ilə məktəbyanı sahədə ağaclar və çiçəklər əkilib. 
