Təbiətə dəyər ver!
Kiçik akademiya üzvləri olan 9ç sinif şagirdləri Əliyev Şamil, Hüseynov Murad, Məhərrəmli İbrahim, 9a sinif şagirdləri İsmayıl Kamal, Məmmədzadə Cəmil birlikdə komanda şəklində “Təbiətə dəyər ver!” adlı layihə işləyib hazırladılar. Layihənin əsas məqsədi aşağıda qeyd olunan məqamlara diqqəti cəlb etmək və əməl edilməsinin vacibliyini qeyd etməkdir. Yaşadığımız dünya, bizi əhatə edən maddi aləm son dərəcə gözəl, zəngin və rəngarəngdir. Bu ətraf aləm təbiət adlanır. Əslində biz özümüz də bu təbiətin bir zərrəsiyik, onun tərkib hissəsiyik. Təbiət bizim hamımızın anasıdır. Biz təbiətin kiçik bir parçasıyıq. Bizim yaşayışımız da, sağlamlığımız da onunla bağlıdır. Əslində Yer kürəsi adlandırdığımız planetin məzmunu da ən şüurlu və ən ali varlıqlar olan biz insanlarla bizi əhatə edən təbiətin harmoniyasındadır. Dünyamızın sabahı və gələcəyi bu vəhdətdən və bu vəhdətin əzəli və əbədi tarazlığından asılıdır. Bu harmoniyanın, bu tarazlığın pozulması dünyanı fəlakətə sürükləyə bilər, bütün bəşəriyyəti, dünyanı məhv edə bilər. Ona görə də biz insanlar təbiətə qayğı və məhəbbətlə yanaşmalı, planetimizin bitki örtüyünü - onun florasını və canlılar aləmini - onun faunasını qorumalıyıq. Biz təbiətin kiçik bir parçasıyıq. Bizim yaşayışımız da, sağlamlığımız da onunla bağlıdır.
