42 №-li tam orta məktəb

    15,16 mart tarixlərində məktəbin Moldova Azərbaycan əməkdaşlığı çərçivəsində məktəbin fiziki tərbiyə müəllimləri Rəşad Tanrıverdiyev, Kənan Əhmədov, Ləman Abdullayev və Səadət Qurbanovanın təşkilatçılığı ilə 8-ci siniflər arasında futbol yarışı keçirildi. Futbol sevən şagirdlər bu yarışmada həvəslə iştirak etdilər. Qalib olan siniflər diplomvə kubokla təltif olundular.

    2b sinf müəllimi Axundova Laita şagirdləri ilə “Bütün peşələr vacibdir” mövzusunda maraqlı dərs təşkil etdi. Hər peşənin, hər sənətin öz gözəlliyi haqqında şagirdlərə ətraflı məlumat verdi. Əsas məqsəd ondan ibarət idi ki, seçdiyin peşəyə qəlbən bağlı olasan, onun sirlərini öyrənəsən, bütün incəliklərinə yiyələnəsən. Şagirlər isə  aldıqları məlumatlara əsasən peşələr haqqında təqdimat hazırladılar.

    Hər il martın 5-i Azərbaycanda Bədən Tərbiyəsi və İdman Günü kimi qeyd olunur. Azərbaycanda bədən tərbiyəsi və idmanın tarixi çox qədimdir və xalqın mədəniyyəti ilə çox bağlıdır. Hər il martın 5-i ölkəmizdə Bədən tərbiyəsi və İdman Günü kimi qeyd edilir. Ölkəmizdə idmanın inkişafı ildən-ilə daha geniş vüsət alır. İndi Azərbaycan dünyada güclü idman ölkəsi kimi tanınır. Bütün bu uğurlar onu göstərir ki, Azərbaycan idmanı əsl yüksəliş dövrünü yaşayır.

    Bu günlə bağlı məktəbin Fiziki tərbiyə və 4-cü sinifini ibtidai sinif  müəllimləri şagirdlər ilə birlikdə “Şən statlar” adlı  tədbir təşkil etdilər. Tədbirdə müxtəlif idman oyunları və yarışlar təşkil olundu. Şagirdlər həvəslə oyunlarda iştirak etdilər.

Bakı Şəhəri üzrə Təhsil İdarəsi (BŞTİ) tərəfindən Heydər Əliyevin 100 illik yubileyinə həsr olunmuş I Bakı İdman Festivalı keçirilib.

Festivalda BŞTİ-nin müdiri Mehriban Vəliyeva, Milli Məclis sədrinin müavini, parlamentin Gənclər və idman komitəsinin sədri Adil Əliyev, Milli Məclisin Komitə sədri, Universal döyüş federasiyasının vitse-prezidenti Sadiq Qurbanov, millət vəkili, Azərbaycan Karate-do Federasiyaları Assosiasiyasının prezidenti Ülvi Quliyev, Nərimanov Rayon Gənclər və İdman İdarəsinin rəisi Nəcəf Novruzov, Azərbaycan Cüdo Federasiyasının vitse-prezidenti Elnur Məmmədli, Avropa və dünya çempionları Rasul Çunayev və Fuad Zeynalov, İdarənin müvafiq struktur bölmə rəhbərləri, idmançılar, məktəb direktorları, müəllimlər, şagirdlər və digər qonaqlar iştirak ediblər.

Öncə qonaqlar idmanın müxtəlif növlərinə həsr olunmuş guşələrlə tanış olub, məktəblilərin ayrı-ayrı idman növləri üzrə çıxışlarını izləyiblər.

Tədbir Dövlət Himninin səsləndirilməsi, Ulu Öndər Heydər Əliyev və Vətən şəhidlərinin xatirəsinin bir dəqiqəlik sükutla yad edilməsi ilə başlayıb.

Çıxış edən BŞTİ-nin müdiri Mehriban Vəliyeva ölkəmizdə idman siyasətinin təməlinin və inkişafının Ümummilli Lider Heydər Əliyevin adı ilə bağlı olduğunu diqqətə çatdırıb. Bildirib ki, Heydər Əliyev ölkəmizə hələ birinci rəhbərliyi dövründə digər sahələrdə olduğu kimi, idmanın da inkişafına böyük qayğı göstərib. M.Vəliyeva Ulu Öndərin milli maraqlara əsaslanmaqla həyata keçirdiyi çoxşaxəli siyasi strategiyasının Prezident İlham Əliyev tərəfindən inamla davam etdirildiyini bildirib.

Elm və Təhsil Nazirliyi və Bakı Şəhəri üzrə Təhsil İdarəsi tərəfindən idmanın inkişafı istiqamətində atılan müvafiq addımlardan bəhs edən İdarə müdiri idman həftəsi çərçivəsində Ulu Öndərin 100 illik yubileyinə həsr olunmuş I Bakı İdman Festivalını yüksək qiymətləndirib. Bildirib ki, bu kimi festivallara şagirdlərimizin həvəslə qatılması idman sahəsinin daha parlaq gələcəyindən xəbər verir.

Milli Məclis sədrinin müavini A.Əliyev və millət vəkili S.Qurbanov Azərbaycanın müstəqillik qazandığı ilk illərdə Ulu Öndər Heydər Əliyevin təməlini qoyduğu idman siyasətinin uğurundan, Prezident İlham Əliyevin idmana, idmançılara və bu sahədə çalışan mütəxəssislərə göstərdiyi böyük diqqət və qayğıdan bəhs ediblər. Həmçinin şagirdlər arasında idmana meyil və marağın gücləndirilməsi məqsədilə məktəblilər arasında təşkil olunan belə festivalların mühüm əhəmiyyətindən danışıblar.

Festival V-XI sinif şagirdlərinin müxtəlif idman növlərində hazırladıqları çıxışlarla və bədii-musiqili proqramla davam edib.

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində idman həftəsi keçirilir.

Elm və Təhsil Nazirliyi tərəfindən elan olunmuş idman həftəsi çərçivəsində məktəblilər səhər gimnastikası edir, şagirdlərə idman növləri haqqında geniş məlumatlar verilir, idmançıların yarışlar ərəfəsində psixoloji hazırlığı mövzusunda söhbət aparılır.  

Dərslərdə şagirdlər idmanla məşğul olmağın sağlam həyat tərzinə müsbət təsirləri, həmçinin məktəblərin maddi-texniki bazasının və idman infrastrukturunun möhkəmləndirilməsi istiqamətində ölkəmizdə həyata keçirilən tədbirlər, idmançıların peşəkar səviyyədə hazırlanmasına göstərilən dövlət qayğısı barədə məlumatlandırılırlar.

Ümumi təhsil müəssisələrində eyni zamanda idman nailiyyətləri olan idmançılarla görüşlər keçirilir. Həmçinin idman viktorinası və “Olimpiya oyunları uşaqların gözü ilə” sərgiləri təşkil olunur.

Bundan başqa, idman həftəsi çərçivəsində müsabiqələr, yarışlar, maarifləndirmə görüşləri, şagirdlərin mükafatlandırılması və digər tədbirlər təşkil ediləcək.

5 Mart – Bədən Tərbiyəsi və İdman Günü ilə bağlı keçirilən idman həftəsi martın 3-dək davam edəcək. 

Qeyd edək ki, idman həftəsinin keçirilməsində məqsəd şagirdlərin idmana olan marağının artırılması və sağlam həyat tərzinin təbliğindən ibarətdir.