168 №-li tam orta məktəb

Voleybol, stolüstü tennis və atletika idman növləri üzrə rayon I olduqAzərbaycan Respublikası Təhsil Nazirliyi, Azərbaycan Respublikası Gənclər və İdman Nazirliyi, Azərbaycan Respublikası Milli Olimpiya Komitəsi və Azərbaycan Məktəb İdmanları Federasiyasının “Məktəblər arasında respublika çempionatı”nın keçirilməsi haqqında müvafiq əmrlərinə əsasən məktəblərdə voleybol(qızlar), stolüstü tennis və atletika idman növləri üzrə keçirilən yarışların hər birində 168 nömrəli tam orta məktəbin komandaları rayon birincisi olub.

"Günəş, Sülh və Çiçək" müsabiqəsində 1-ci olduqMayın 10-da Vaqif Mustafazadə adına Mədəniyyət Mərkəzində Heydər Əliyevin anadan olmasının 96-cı illiyinə həsr olunmuş “Günəş, Sülh və Çiçək" adlı tədbir keçirilib. Tədbirdə Mədəniyyət Mərkəzinin direktoru Afət İbrahimova, 168, 186, 235 və 243 nömrəli tam orta məktəbin müəllim və şagird kollektivi, N saylı hərbi hissənin əsgərləri iştirak edib. Tədbir zamanı məktəblər arasında "Günəş, Sülh və Çiçək" mövzusunda rəsm və rəqs müsabiqələri keçirilib. Tədbirin sonunda münsiflər heyətinin yekun qərarı ilə 168 nömrəli tam orta məktəbin müəllim və şagird kollektivi 1-ci yerə layiq görülərək Fəxri Fərmanla təltif olunublar.

7-ci sinif şagirdinin uğuruMəktəbin 7 b sinif şagirdi Əlizadə Şamama Ceyhun qızı Lütfi-Zadə adına III Məntiq Olimpiadasının final mərhələsində fəal iştirakına görə Bakı Şəhəri üzrə Təhsil İdarəsi tərəfindən diplomla təltif olunub. Məktəb rəhbərliyi adından Şamamanı təbrik edir, üzərində əməyi olan riyaziyyat və informatika müəllimi Natəvan İsmayılovaya minnətdarlığımızı bildiririk.