Aprel 15-də məktəbdə “Sağlam gələcək naminə narkomaniyaya yox deyək!” adlı maarifləndirici tədbir keçirilib. Tədbirdə Pirallahı Rayon İcra Hakimiyyəti başçısı Aparatının müavini Vəzir Səfixanov, Pirallahı Rayon İcra Hakimiyyətinin İctimai-siyasi və Humanitar məsələlər şöbəsinin müdiri Arzu Abdullayev və şöbənin baş məsləhətçisi Xəyalə Cavanşirli, Pirallahı Rayon Polis İdarəsinin Yetkinlik yaşına çatmayanların işi üzrə inspektor polis leytenantı Nurlan Hüseynov, Ailə Sağlamlıq Mərkəzinin həkimi Meyransa Ağayeva, psixoloq Şəbnəm Samirli, məktəbin direktoru Elnur Bayramov, məktəbdənkənar və sinifdənxaric işləri üzrə təşkilatçı Sevda Rəhimova, məktəbin müəllim və şagird kollektivi iştirak ediblər.
Mövzu ətrafında çıxış edən natiqlər qeyd ediblər ki, bəşəriyyət üçün bəla olan, irqindən, yaşından, dinindən asılı olmayaraq bütün xalqları, millətləri düşündürən ən ağrılı problemlərdən biri də narkomaniyadır. Bu problemin həllinə xidmət edən mühüm addımlardan biri kimi xüsusi ilə yeniyetmə və gənclər arasında maarifləndirmə işlərinin genişləndirilməsi prioritet məsələdir. Həmçinin vurğulanıb ki, narkomaniya ilə mübarizdə hər bir vətəndaş fəallıq göstərməlidir. Yeniyetmə və gənclərin bu sahədə daha da maarifləndirilməsi onlar arasında narkomaniyaya və onu yayan vərdişlərə qarşı müqaviməti xeyli artırır. Bu da ən əsası həm indiki, həm də gələcək nəsillərin cəmiyyətdə sağlam yetişmələri üçün həlledici rol oynayacaqdır.
Sonda şagirdlər tərəfindən verilən suallar cavablandırılıb, mövzu ətrafında geniş müzakirə aparılıb.
