“Şanlı bayrağım” adlı bədii qiraət müsabiqəsində rayon qalibi olduqKiçik Akademiya üzvləri-VII c sinif şagirdi Ayan Rzazadə, IX b sinif şagirdi Gülnarə Ağamalıyeva, VIII a sinif şagirdi Mədinə Ağalarova və V b sinif şagirdi Mədinə Bəşirova 31.10.2023-cü il tarixində Pirallahı rayon məktəblilərinin şagirdləri arasında "Dövlət Bayrağı Günü" münasibətilə “Şanlı bayrağım” adlı bədii qiraət müsabiqəsində iştirak ediblər. VIII a sinif şagirdi Mədinə Ağalarova 13 yaş qrupu üzrə birinci yer tutduğuna görə diplomla təltif edilib.
Qazilərlə görüşNoyabrın 2-də Kiçik Akademiyanın üzvləri ilə "Zəfər Günü" ilə əlaqədar 44 günlük Vətən müharibəsində iştirak etmiş, "Möhtəşəm qələbə"nin qazanılmasında əvəzolunmaz şücaət göstərmiş qazilərlə görüş keçirilib.
Kiçik Akademiya üzvlərinin sərgisiAnım Günü ilə əlaqədar Kiçik Akademiya üzvləri məktəbin foyesində rəsm sərgisi və videobülletenlərin nümayiş etdirib. Sərgidə şagirdlər tərəfindən 44 gün davam edən II Vətən müharibəsinə həsr olunan rəsmlər və Ali Baş Komandanın uğurlu və uzaqgörən siyasəti sayəsində rəşadətli Azərbaycan ordusu qəhrəmanlarının düşmən üzərində şücaətini, mərdliyini və sonda zəfərini əks etdirən videobülletenlər nümayiş olunub.
Şəhid Arəstə Baxışovanın ailəsinə ziyarət 25.09.2023 cü il tarixində məktəbin texnologiya müəllimi Mehriban Fərəcovanın təşkilatçılığı ilə 27 sentyabr Anım Günü ilə əlaqədar Kiçik Akademiyanın bir qrup üzvü ilə şəhid Arəstə Baxışovanın ailəsini ziyarət edib. Şagirdlər şəhidin rəsmi əks olunan xalçanı xatirə olaraq onun ev muzeyinə təqdim edib. II Qarabağ müharibəsinin yeganə qadın şəhidi Arəstə Baxışovanın şücaəti, Vətənə məhəbbəti, şərəfli xidmətləri barədə şagirdlərə məlumat verilib.
Kiçik Akademiya üzvləri Hərbi Qənimətlər ParkındaTədbirlər planına müvafiq olaraq məktəbin 8"A" sinfi tarix müəllimi AygünZeynalovanın rəhbərliyi ilə Hərbi Qənimətlər Parkında ekskursiyada olub. Şagirdlər Vətən müharibəsində Müzəffər Azərbaycan Ordusunun düşməni məğlub etməsi nəticəsində ələ keçirdiyi Hərbi qənimətlərin bir qismi ilə tanış olub. Belə məkanlara ekskursiyaların təşkil olunmasında məqsəd şagirdlərimizdə yüksək vətənpərvərlik hissi formalaşdırmaq olub.
Kiçik Akademiyanın üzvü "Ən yaxşı inşa yazı" müsabiqəsində I yer qazandı07 may 2022-ci il tarixində müasir, müstəqil Azərbaycanın memarı və qurucusu , görkəmli dövlət xadimi , xalqımızın dahi oğlu və ümummilli lideri Heydər Əliyevin anadan olmasının 99-cu ildönümü münasibətilə Pirallahı Rayon İcra Hakimiyyətinin təşkilatçılığı ilə keçirilən tədbirdə məktəbin 11 "A" sinif şagirdi Kiçik Akademiyanın üzvü Niftəliyeva Nərminə Yaşar qızı "Ən yaxşı inşa yazı" müsabiqəsində I yer qazandığına görə Fəxri fərmanla təltif edilib.
Ulu Öndərin məzarı ziyarət olundu08.05.2022-ci il tarixində 168 nömrəli tam orta məktəbin Azərbaycan dili və ədəbiyyat müəllimi Sevda Alxasovanın təşkilatçılığı ilə 8"A" sinfinin K.A üzv şagirdləri müasir,müstəqil Azərbaycanın memarı və qurucusu, görkəmli dövlət xadimi, xalqımızın dahi oğlu və ümummilli lideri Heydər Əliyevin anadan olmasının 99-cu ildönümünü ehtiramla yad etmək məqsədi ilə Fəxri Xiyabana gedib, məzarını ziyarət ediblər. Ruhuna dualar oxuyublar.
Kiçik Akademiya üzvləri Qobustan Dövlət Tarix və Bədii QoruğundaBakı şəhərinin yaxınlığında tarixi bir məkan- Qobustan Burada Qobustan Dövlət Tarix və Bədii Qoruğu yerləşir. Qobustan tarix və incəsənət ocağıdır. Bu qoruqdakı muzey dünyanın ən yaxşı muzeylərindən biridir. Qoruqda qədim insanların çəkdikləri qayaüstü rəsmlər, onların həyat və məişəti ilə bağlı digər maddi mənbələr qorunur. Burada qorunub saxlanan insan və heyvan təsvirləri, ov, döyüş və rəqs səhnələri ən qədim insanların həyatı haqqında maraqlı məlumatlar verir. Açıq səma altında qayalar üzərindəki qədim rəsmlərə, "Qavaldaş"a və digər maddi tapıntılara görə Qobustan qoruğu UNESCO-nun dünya mədəniyyəti irsi siyahısına daxil edilmişdir. 02.05.2022-ci il tarixində məktəbin tarix müəllimi Şəfəq Abdıyeva və UBR Zülfünaz Abasovanın rəhbərliyi və "6"A" sinfinin K.A üzv şagirdlərinin iştirakı ilə "Tanıdaq" devizi altında tarixi məkana-Qobustana ekskursiya təşkil olunub.Keçirilən ekskursiyanın məqsədi şagirdlərimizə xalqımızın mədəni tarixini və irsini daha da dərindən öyrətmək, mədəniyyətimizi təbliğ etmək, gənc nəsilləri maarifləndimək idi. Ekskursiya zamanı tarix müəllimi Şəfəq Abdıyeva qoruq haqda şagirdlərə geniş məlumat vermişdir.
Oxu Günü04.22. 2022-ci il tarixində Kiçik Akademiyanın üzvlərinin iştirakı ilə "Biz oxuduq , siz də oxuyun" devizi altında "Oxu günü" keçirildi. Əlamətdar günün keçirilməsində məqsəd şagirdlərin elmə, təhsilə, eyni zamanda, kitaba maraq formalaşdırmaq olub.
Kiçik Akademiyanın üzvləri Basketbol yarışında qalib oldular23 fevral 2022-ci il tarixində Kiçik Akademiyanın bir qrup üzvü Təhsil Nazirliyi və Azərbaycan Basketbol Federasiyası ümumtəhsil məktəblərinin şagirdləri arasında basketbol üzrə respublika birinciliyində rayon üzrə I yer qazanıb.
Dama yarışıİdman həftəsinin proqramına müvafiq olaraq məktəbin 5-ci sinif şagirdlərinin iştirakı ilə (K. A-nın Üzvləri) gimnastik dama yarışı keçirilib.. İdman həftəsi proqramına uyğun olaraq digər idman yarışları da keçirilib. Sonda qalib komandalar mükafatlandırilib.
Düşünən oxucuAzərbaycan Respublikası Təhsil nazirinin 29.12.2021-ci il tarixli F-597 nömrəli əmrinə əsasən təhsilalanların mütaliə və müstəqil öyrənmə bacarıqlarının təkmilləşdirilməsi, onlarda tənqidi, məntiqi və yaradıcı təfəkkürün inkişafı, rəy bildirmə mədəniyyətinin formalaşdırılması məqsədilə təşkil olunmuş “Düşünən oxucu” müsabiqəsinə məktəbin 7 " A" , 7"B" sinif şagirdləri (K. A üzvləri) də qatılıb. Müsabiqə iştirakçıları “Düşünən oxucu” müsabiqəsi üzrə oxu ədəbiyyatının siyahısı”nda göstərilmiş 35 ədəbiyyat nümunəsindən biri üzrə müsabiqənin şərtlərinə uyğun olaraq videotəqdimat hazırladılar.
Kiçik Akademiya üzvləri Atəşgah Dövlət Tarix Memarlıq qoruğundaMəktəbin tərbiyə işləri üzrə direktor müavini Sevda Rəhimova və tarix müəllimi Səbinə Qasımovanın rəhbərliyi ilə 16.12.2021-ci il tarixində Kiçik Akademiyanın bir qrup üzvü Suraxanı rayonunda yerləşən Atəşgah Dövlət Tarix Memarlıq qoruğunda olub.
"Aşıq Ələsgər və Azərbaycan folkloru"Aşıq Ələsgərin 200 illik yubileyinin qeyd edilməsi ilə bağlı Təhsil Nazirliyinin Tədbirlər Planının icrasını təmin etmək məqsədi ilə "Aşıq Ələsgər və Azərbaycan folkloru" mövzusunda yaradıcılıq müsabiqəsinin məktəb mərhələsi (əl işi, şeir və mahnı olmaqla üç nominasiya üzrə) keçirildi. 11-ci sinif şagirdi Pirmuradova Röya "Ən yaxşı mahnı ifaçısı" üzrə, 8 ,,A,,sinfi şagirdi Rzayeva Çinarə və Məmmədov Asif şeir üzrə , 6,,A,, sinif şagirdi Həsənov Elvin əl işi üzrə (Kiçik akademiyanın üzvləri) məktəb mərhələsinin qalibi seçildilər.
"Zəfər tarixi" adlı təbdirNoyabrın 5-da məktəbin akt zalında “Zəfərə gedən yol!” adlı tədbir keçirilib.Tədbir məktəbin ibtidai sinif müəllimləri Xırdaxanım Əmirova, Iradə Muradovava və məktəbin tərbiyə işləri üzrə direktor müavini Sevda Rəhimova tərəfindən təşkil olunub. Tədbirdə Pirallahı Rayon Icra Hakimiyyətinin əməkdaşları, Pirallahı rayon Vətən müharibəsi iştirakçısı Elşən Lalayev və onun bir qurup döyüş yoldaşları, Pirallahı rayon şəhidlərinin - Baş Leytenant Vüsal Babayevin anası Əntiqə xanım, Elmar Nəbiyevin anası Çiçək xanım, məktəbin məzunu ll Qarabağ şəhidi Fərmayıl Məlikovun anası Pakizə xanım, Şamaxı rayonundan Vətən müharibəsi şəhidi Baş Leytenant Murad Ibadovun anası və ailəsi, Neftçala rayonundan XTQ şəhid Maarif Əliyevin anası Sevda xanım, şəhidin həyat yoldaşı Solmaz xanım, şəhidin qardaşı Təbriz, Bakı şəhərindən şəhid Fəxri Məmmədovun anası Kəmalə xanim, Qəbələ rayonundan Vətən müharibəsi şəhidi Palkovnik Leytenant Əfqan Abdulrəhmanovun həyat yoldaşı Rəqinə xanım, Qəbələ rayonundan şəhid Dəmirli Elşənin atası Dəmirli Gündüz iştirak ediblər. Qonaqlar əvvəlcə şəhid adı daşıyan hər bir siniflə tanış olublar. Və sonra müdiriyyət və sinif adından təşəkkürnamə ilə təltif olunblar. Təşkil olunan böyük tədbir Dövlət Himninin səsləndirilməsilə başlanıb. Şəhidlərin ruhu bir dəqiqəlik sükutla yad edilib. Giriş sözü ilə məktəbin direktoru Mehparə Mansırova çıxış edib. O öz çıxışında 44 günlük müharibədə qazanılan Zəfərdən, Ali Baş Komandan, Cənab İlham Əliyevin apardığı daxili və xarici siyasətindən danışıb, gələn qonaqları Zəfər bayramı münasibətilə təbrik edib. Tədbirdə iştirak edən məktəbin tarix müəllimi Şəfəq Abdıyeva Azərbaycan Respublikasının müstəqilliyi və ərazi bütövlüyü uğrunda şəhid olanların xatirəsinin hər birimiz üçün əziz olduğunu bildirib. Müəllim xalqımızın qəhrəman övladları ilə qürur duyduğunu vurğulayıb. Dövlətimiz tərəfindən müharibə iştirakçıları olan qazilər və şəhid ailələrinin hərtərəfli qayğı ilə əhatə olunduğunu söyləyən Şəfəq müəllim onların məktəblilər üçün əsil örnəyə çevrildiyini qeyd edib. Tədbir şagirdlərin ifasında şeirlər, mahnılar və otuz ili əhatə edən ədəbi-bədii kompozisiyalarla davam edib. Ədəbi –bədii kompozisiyalar hamı tərəfindən bəyənilib. Daha sonra 44 günlük müharibəni və hörmətli Prezidentimizin çıxışlarını əks etdirən videoçarx nümayiş etdirilib. Şəhid analarının əllərindən öpülərək , onların qarşısında baş əyilib. Tədbir çox yüksək səviyyədə keçərək, hamı tərəfindən bəyənilib. Tədbirin sonunda xatirə şəkli çəkilib.
Milli Qəhrəman Şükür Həmidovun ailəsi ziyarət olundu17.10.2021-ci il tarixdə 168 nömrəli tam orta məktəbin direktoru Mehparə Mansırova, tədris işləri üzrə direktor müavini Kəklik Böyükkişiyeva, məktəbin müəllimləri Sevda Alxasova, Aygün Zeynalova, Milli Qəhrəman Şükür Həmidovun adını daşıyan 8 "A" sinfinin şagirdləri və X"A" sinfinin bur qrup şagirdləri (K. A-nın üzvləri) II Fəxri Xiyabanda olublar.Sonra Sumqayıt şəhərində mərhumun ailəsini ziyarət ediblər. Şükür Həmidov 2016-cı ilin 2-5 aprelində baş verən Aprel döyüşlərində Cəbrayıl rayonu istiqamətində yerləşən "Lələtəpə" strateji nöqtəsinin alınması zamanı fərqlənmişdir, buna görə də Azərbaycan Prezidenti İlham Əliyevin 20aprel 2016-cı il tarixli Sərəncamına əsasən Azərbaycanın Milli Qəhrəmanı adına layiq görülmüşdür. Şükür Həmidov 2020-ci ilin sentyabrında başlanan Vətən müharibəsində Cəbrayıl , Füzuli, və Qubadlıda gedən döyüşlərdə savaşıb, oktyabrın 22-də isə doğulduğu və 18 yaşında didərgin düşdüyü Qubadlı rayonunun azadlığı uğrunda gedən döyüşlərdə şəhid olmuşdur. Allah bütün şəhidlərimizə rəhmət eləsin.
II Fəxri Xiyaban ziyarət olundu Məktəbin Fəaliyyət planına əsasən, sentyabrın 27- də X"A" ( sinif rəhbəri Sevda Alxasovanın rəhbərliyi ilə) və VIll "A" ( sinif rəhbəri Aygün Zeynalovanın rəhbərliyi ilə) sinif şagirdləri "(K. A-nın üzvləri) Anım Günü" münasibəti ilə İkinci Fəxri Xiyabanı ziyarət ediblər. Orada General-mayor Polad Həşimovun, eyni zamanda VIll "A" sinfi adını qürurla daşıdığı şəhid Polkovnik Şükür Həmidovun və qəsəbəmizin şəhidi Baş leytenant Vüsal Babayevin məzarını ziyarət ediblər. Həmçinin l Fəxri Xiyabanda Ulu Öndər Heydər Əliyevin məzarını ziyarət ediblər və gül dəstəsi qoyulub. Ziyarətin məqsədi şagirdlərimizə tariximizi, milli qəhrəmanlarımızı tanıtmaq, onların xatirəsini daim böyük ehtiramla yad etməkdən ibarət olub. Şagirdlər və müəllimlər şəhidlərimizin əziz xatirəsini bir diqiqəlik sükutla yad edib, məzarları üzərinə güllər qoyublar. Məktəblilər vətənə, şəhidlərə aid şeirlər söyləyib "Qarabağ Azərbaycandır" şüarını səsləndiriblər.
Yay məktəbiKiçik Akademiyanın müəllim və şagird heyəti yay məktəbi dövründə gəzinti və ekskursiyalarda iştirak edib.
Kiçik Akademiyanın şagird elmi cəmiyyətinin bülleteniMəkətəb Kiçik Akademiyasının elmi cəmiyyətinin üzvləri: Quluyeva Gülər” II Qarabağ müharibəsi”ni əks etdirən,Dadaşzadə Rəhimə isə “Nizami-880”başlığı altında bülletenlər hazırladılar.
Lütfi Zadə olimpiada Mayın 8-də ölkə üzrə Lütfi Zadə adına məntiq olimpiadasının rayon(şəhər )mərhələsi keçirilmişdir. Olimpiadada Bakı Şəhəri üzrə Təhsil Idarəsinin tabeliyindəki ümumtəhsil məktəblərinin beşinci sinif şagirdləri rəqabət aparmışdı . Birinci turun nəticələrinə əsasən məktəbimizin Kiçik Akademiyasının 7 nəfər üzvü (Məmmədov Yusif , Əhmədov Əkbər, Əlizadə Heydər, Allahverdiyev Murad, Həsənov Elvin ,Cariyev Ümid,Balaməmmədova Nigar) ikinci turda iştirak etmək hüququ qazanmışdır. Şagirdlərimizi təbrik edirik. Növbəti turda uğur qazanmaq arzulayırıq .
Kiçik Akademiyanın Prezidenti"Kiçik Akademiya" nın prezidenti Bakı Dövlət Universitetinin tarix müəllimliyi fakültəsini bitirmiş, MİQ imtahanında yüksək nəticə göstərmiş 16.09.2019 tarixdən pedaqoji fəaliyyətə başlamış Şəfəq Abdıyevadır.
Kiçik Akademiya fəaliyyətə başladıMəktəbin direktoru Mehparə Mansırovanın 20.06.2021-ci il tarixili əmri ilə məktəbdə "Kiçik Akademiya"nın yaradılması təbiət, estetik fənlər, texniki, humanitar fənlər üzrə təmin edilmişdir. Məktəbin tarix müəllimi Şəfəq Abdıyeva "Kiçik Akademiya" nın prezidenti, Azərbaycan dili və ədəbiyyatı müəllimi Pərvanə İsmayılova, coğrafiya müəllimi müəllimləri Xoşgünhab Əhmədova, İsfəndiyar İsgəndərov, təsviri-incəsənət müəllimi Günel Həsənova KA-nın üzvləri təyin olunmuşlar. Kiçik Akademiya şagird elmi cəmiyyətində 11-ci sinif-2 nəfər, 10-cu sinif-5 nəfər, 9-cu sinif-13 nəfər, 8-ci sinif-4 nəfər, 7-ci sinif-5 nəfər, 6-cı sinif-10 nəfər, 5-ci sinif-7 nəfər, 3-cü sinif-2 nəfər, cəmi 45 nəfər şagird fəaliyyət göstərir.
168 nömrəli tam orta məktəb 1963- cü ildən Pirallahı qəsəbəsində fəaliyyət göstərir. İlk illərdə 8 illik, iki bölməli məktəb kimi fəaliyyət göstərib. 1969-cu ildə 10 illik...
168 nömrəli tam orta məktəb 1963- cü ildən Pirallahı qəsəbəsində fəaliyyət göstərir. İlk illərdə 8 illik, iki bölməli məktəb kimi fəaliyyət göstərib. 1969-cu ildə 10 illik...
© Azərbaycan Respublikasının Elm və Təhsil Nazirliyi