“GƏNCLƏR GÜNÜ”
Məktəbimizdə IX-XI sinif şagirdlərinin iştirakı ilə “Gənclər Günü”nə həsr olunmuş dəyirmi masa keçirilib. İlk öncə Azərbaycan Respublikasının Dövlət Himni səslənib. Sonra məktəbin təlim-tərbiyə işləri üzrə direktor müavini Nazimə Zeynalova Ulu öndər Heydər Əliyevin gənclərə olan diqqət və qayğısından danışıb. Bu əlamətdar tarixi günün gənclərə həmişə böyük diqqət və qayğı ilə yanaşan, onların problemlərinin həlli istiqamətində həyata keçirilən tədbirlərə xüsusi önəm verən, bu siyasəti müasir müstəqil Azərbaycan dövlətinin fəaliyyətinin ən mühüm istiqamətlərindən biri kimi dəyərləndirən ümummilli lider Heydər Əliyevin adı ilə bağlı olduğunu bildirib. Sonra 11 "A" sinif şagirdi Fatimə Muradova çıxışında bildirib ki, bu gün tam əminliklə demək olar ki, ulu öndər Heydər Əliyevin gəncliyə və gənclərə qayğısı yeni mərhələyə qədəm qoyub. Ölkəmizdə gənc nəslin problemlərinin həlli, onların cəmiyyət həyatında layiqli təbəqə kimi iştirakının təmin olunması, milli adət-ənənələrə, saf dəyərlərə bağlılığı üçün dövlət səviyyəsində bütün zəruri tədbirlər həyata keçirilir.Tədbirdə çıxış edən Azərbaycan dili və ədəbiyyat müəllimi Təranə Bağırova bildirib ki, Ulu Öndərin gəncliyə və gənclərə etimadı bu gün artıq öz təsdiqini tapmaqdadır. Bu gün ölkəmizdə gənclər siyasəti mahiyyət və keyfiyyətcə yeni mərhələsini yaşayır. Prezident İlham Əliyev Ulu Öndərin gənclər siyasətinə sadiqliyini öz qərarları ilə təsdiq edir. Gənclərin mənəvi inkişafı, vətənpərvərlik tərbiyəsi, xarici ölkələrdə təhsili, sosial müdafiəyə ehtiyacı olanların problemlərinin həlli istiqamətində görülən işlər, gənclər təşkilatlarının formalaşması və inkişafı üçün yaradılan şərait və imkan bu sahəyə böyük diqqətin nəticəsidir.
