Məktəbdə növbəti pedaqoji şura keçirilib
Məktəbin direktoru Kəmalə Qədirova gündəlikdə olan məsələləri pedaqoji kollektivin diqqətinə çatdırb. Gündəlikdə olan birinci məsələ haqqında çıxış edib. Diaqnostik qiymətləndirmənin müəllimə şagirdlərin güclü və zəif tərəflərini, bilik və bacarıqlarının mövcud vəziyyətini müəyyənləşdirməyə imkan verən ilkin qiymətləndirmə olduğunu qeyd edib. Kəmalə müəllim çıxışında bildirib ki, bu qiymətləndirmənin məqsədi təlimi planlaşdırmamışdan əvvəl şagirdin bilik, bacarıq və yanlış bildiyi məsələləri müəyyənləşdirmək və effektiv təlimin təşkilidir. Kəmalə müəllim dioqnostik qiymətləndirmə ilə bağlı aparılan işlərdən danışıb. Sonra məktəbin ibtidai siniflər üzrə direktor müavini İ.Məmmədova II-IV siniflərdə ana dilindən düzgün yazı vərdişlərinin formalaşdırılması vəziyyəti, III-IV siniflərdə riyaziyyat fənninin, şagirdlərin oxu bacarıqlarının səviyyəsinin öyrənilməsi və qiymətləndirilməsinin təşkili barədə çıxış edib. İlahə müəllim yazı işlərinin aparılması zamanı görülən işlər barədə məlumat verib. Sonra II-XI siniflərdə ingilis dili, ikinci xarici dil, V-XI siniflərin Azərbaycan bölməsində rus dili, VII-XI siniflərin rus bölməsində alman dili fənlərinin tədrisi vəziyyəti barədə Kəmalə müəllim çıxış edib. Müəllimlərin fənlərin tədrisi vəziyyətinin öyrənilməsi müddətində gördüyü işlərə münasibət bildirib. Eyni zamanda tarix-coğrafiya fənlərinin tədrisi vəziyyətinin yoxlanmasından danışıb. Ötən tədris ilində IV siniflərin təlim nəticələrinin, V sinif təlim nəticələri ilə müqayisəli təhlili, VI siniflərdə riyaziyyat fənni üzrə monitorinq nəticələri barədə təhlili təlim-tərbiyə işləri üzrə direktor müavini Nazimə Zeynalova pedaqoji kollektivin diqqətinə çatdırıb. Nazimə müəllim texniki-təmayül siniflərdə riyaziyyat, fizika, kimya fənləri üzrə tədrisin keyfiyyətinin izlənilməsi məqsədi ilə keçirilən monitorinqin təhlili barədə danışıb.Görülən işlərin təhlilini verib. Məktəbin direktoru Kəmalə müəllim pedaqoji şurada IX-XI siniflərdə imtahan fənlərindən aparılan monitorinqlərin nəticələri barədə məlumat verib. Direktor müavini Nazimə Zeynalova fənn olimpiadalarının məktəb turunun nəticələri barədə pedaqoji kollektivə məruzə edib.
Məktəbin psixoloqu Gülsənəm Bayramlı məktəbin istedad bankının yaradılması, çətin tərbiyə olunan uşaqların müəyyənləşdirilməsi ilə bağlı gördüyü işlər barədə məlumat verib. Təşkilatçı İradə İsmayılzadə məktəbin nizam-intizam qaydaları barədə danışıb. Sonda məktəb direktorunun təqdimatı ilə “Qarabağım al-əlvandır, hər tərəfdə xarıbülbül” tədbirinin təşkilatçıları rəğbətləndirilib. Sonda məktəbin direktoru cari məsələlər barədə danışıb. Müəllimlərə tapşırıqlar verib.
