İngilis dili müəllimlərinin hesabatı dinlənilib.
Məktəbdə fənlərin tədrisi vəziyyətinin yüksəldilməsi, müəllim və şagirdlərin təlimə marağının artırılması, müəllimlərin gündəlik fəaliyyətlərinə yaradıcı yanaşmalarının təmin olunması, fənlər üzrə bilik, bacarıq və vərdişlərin inkişafına daha geniş şəraitin yaradılması üçün hər il olduğu kimi bu ildə fənn aylıqlarının keçirilməsi məktəbin fəaliyyət planında qeyd olunub. Fənlərin tədrisi vəziyyətinin yoxlanılması ilə bağlı oktyabr ayı ingilis dili fənninin tədrisi vəziyyətini yaxşılaşdırmaq, şagirdlərin fənnə olan maraq və meyillərini gücləndirmək, bilik və məlumatlarını genişləndirmək məqsədilə “İngilis dili fənnin aylığı” elan olunub. Müəllimlər fənn aylığı müddətində nümunəvi dərslər, dəyirmi masa, divar qəzetləri, tədbirlər keçiriblər. Sonda görülən işlər barədə məktəb direktoruna hesabat veriblər.
