Şagirdlərimiz Bakı Höte Mərkəzində olublar
Məktəbimizin 9"C" sinif şagirdləri alman dili müəllimləri Esmira Zöhrabova və Gülümsər Orucovanın təşkilatçılığı ilə Bakı Höte Mərkəzində olublar. Mərkəzdə müharibənin insanlara gətirdiyi ağrı-acını özünə əks etdirən " Müharibə dumanı"adlı sərgisi nümayiş olunub. ”Müharibə dumanı” səgisi Bakı Höte Mərkəzi tərəfindən Avropa Ittifaqı Nümayəndəliyi, Kapellhaus və Platformat-ın koordinasiyası ilə hazirlanıb. Şagirdlər sərgidə Azərbaycandan Orxan Hüseynov, Sabina Şıxlinskaya, Norveçdən Verena Ìssel , Nigeriyadan Karo Akpokiere , Almaniyadan Frank Thiel və başqalarının rəsmləri ilə tanış olublar. Təqdim olunan fotolarda müəlliflər müharibənin insanlar üçün yaratdığı faciəni, ağır iztirabları dolğun boyalarla təsvir ediblər. Şagirdlər sərgidən böyük təəssüratla qayıdıblar.
