108 №-li tam orta məktəb

Fənn olimpiadasının respublika üçüncüsü İsmayıllı Orxan Zülfüqar oğluİsmayıllı Orxan Zülfüqar oğlu birinci sinifdən məktəbimizdə təhsil alır. Hal hazırda məktəbin IX "B"sinfində oxuyur. Birinci sinifdən bu günə kimi dərs əlaçısıdır. Məktəbin ən nümunəvi, ən öndəgedən, şagirdlərindəndir. Məntiqi təfəkkürü, intelektual savadı, dünyagörüşü, dərsə davamiyyəti, nizam-intizamı ilə həmişə yoldaşlarına nümunə olub. İndiyə kimi heç bir müəllim heyətindən,şagirdlərdən zərrə qədər də olsa onunla bağlı narazıçılıq olmayıb.Tədbirlərin, bilik yarışlarının, inşa yazı müsabiqələrinin ən fəal iştirakçılarındandır. Məktəbdə təşkil olunan"Kiçik akademiya"nın prezidenti də məhz o seçilib. Bütün fənləri sevir, mükəmməl oxuyur. Elə bu səbəbdən də noyabr ayında məktəbdə təşkil olunmuş bilik yarışında öz istəyi ilə iştirak etdi. Əvvəlcə məktəb, sonra rayon ,daha sonra şəhər turunun qalibi oldu. Nəhayət, 23 aprel 2016-cı il tarixdə keçirilmiş Respublika turunda öz biliyini nümayiş etdirərək Azərbaycan dili və ədəbiyyat fənni üzrə Respublika üçüncüsü oldu. Bu əlbəttə hər birimizi sevindirdi. İnanırıq ki, üzərində daha çox çalışsa gələn il Respublika birinciliyinə qədər yüksələ bilər.Çünki onda o imkan var. Biz ümid edirik ki, məktəbimizin uğurları Orxanla kifayətlənməyəcək.

Məktəb idman komandamızın "Olimpiya hərəkatı" layihəsində uğurlu çıxışıBakı şəhəri Sabunçu rayonu üzrə məktəblilərin "Olimpiya hərəkatı" layihəsi çərçivəsində Atletika yarışlarında 108 nömrəli məktəbin komandası fəal iştirak etdi.Yarışda Məmmədov Cavid, Məmmədzadə Nuranə, Rəhimova Lamiyə, Miürsəliyev Murad iştirak ediblər. Şagirdlər nailiyyət qazanaraq diplomlarla təltif olunublar.

Fəal şagirdimiz Əliyeva Jalə108 nömrəli tam orta məktəbin XI sinif şagirdi Əliyeva Jalə 1-21 iyun 2015-ci il tarixində ABŞ səfirliyinin təşəbbüsü ilə ABŞ-ın Nyu Cersi, Nyu-York, Vaşinqton və Filadelfiya Ştatlarında YLP proqramı ilə iştirak etmişdir. Gənclərə liderlik və idarəetmə qabiliyyətini aşılayan bu proqramda Azərbaycanın müxtəlif rayonlarından 18 şagird və 2 müəllim iştirak etmişdir. Bu proqramda iştirak edən şagirdlər müxtəlif proyektlər hazırlanmış, ABŞ Dövlət Departamentinə təqdim etmişlər. Jalə orada ABŞ mədəniyyəti və Nyu Cersinin Rugters Dövlət Universiteti tərəfindən sertifikat ilə təltif olunmuşdur.