108 №-li tam orta məktəb

  12.07.2024-cü il tarixində məktəbin direktoru Nəriman Məmmədzadə təhsilini əla qiymətlərlə bitirən 3 nəfər məzuna ümumi orta təhsil səviyyəsi üzrə Əliyeva Fatimə (9c), tam orta təhsil səviyyəsi üzrə isə Cəfərzadə Rəna (11a) və Rəhimov Əliyə (11b) fərqlənmə attestatlarını təqdim edərək xoş arzularını bildirdi və gənclərə uğurlar arzuladı.

  Qeyd edək ki, fərqlənmə attestatı ümumi orta və ya tam orta təhsil səviyyəsində oxuduğu müddətdə nümunəvi davranışı ilə fərqlənən, bütün fənlərdən attestata yazılan illik (yekun) qiymətləri "5" olan, buraxılış imtahanlarında hər bir fənn üzrə ən azı 75 bal toplayan məzunlara verilir.

  2023- 2024 cü tədris ilində məktəbi ümumi orta təhsil üzrə 111 nəfər şagird bitirmişdir. Bu gün məktəbin IX sinif şagirdlərinə ümumi orta təhsil haqqında attestatların təqdimatı keçirildi. Məktəbin direktoru Nəriman Məmmədzadə şagirdlərimizə ürək sözlərini söyləyib, gələcək həyatlarında uğurlar arzuladı.

Attestatlar Nazirlər Kabinetinin qərarı ilə təsdiq edilən “Ümumi təhsil pilləsində təhsil haqqında dövlət sənədlərinin nümunələri və onların verilməsi Qaydası” əsasında məzunlara təqdim olundu.

  Dəfələrlə bilik yarışlarında yüksək nailiyyətlər qazanmış məktəbin 4c sinif şagirdi Mehparə Cəfərli 7 aprel 2024-cü il tarixində Azərbaycan Respublikasının Təhsil İnstitutunun təşkil etdiyi Kenquru Beynəlxalq Riyaziyyat müsabiqəsində iştirak etmişdir və Sertifikat ilə təltif olunmuşdur. Şagirdimizi ürəkdən təbrik edirik!

  08.07.2024 cü il tarixində məktəbin direktoru Nəriman Məmmədzadə məzunlara tam orta təhsil səviyyəsi üzrə adi attestatları təqdim edərək, onları tam orta təhsili bitirməkləri münasibəti ilə təbrik etdi və gələcək həyatlarında müvəffəqiyyətlər arzuladı. Qeyd edək ki, 2023-2024-cü tədris ilində məktəbimizdə 48 şagird XI sinfi bitirmişdir. 

  25.06.2024 cü il tarixində pedaqoji heyətin iştirakı ilə 2023-2024 cü tədris ilinin yekun pedaqoji şura iclası keçirildi. Məktəb rəhbərliyi tərəfindən pedaqoji heyətlə 2023-2024 cü tədris ilinin yekunları, tədris inzibati heyətin illik hesabatı, 1-8 və 10 cu sinif şagirdlərinin sinifdən sinfə keçməsi barədə, yay tapşırığı, sinifdə qalan və biliyi qiymətləndirilməyən şagirdlər barədə, IX və XI sinif şagirdlərinə adi və fərqlənmə attestatlarının verilməsi barədə,müəllimlərin növbəti dərs ili üzrə təxmini dərs bölgüsü, və cari məsələlər barədə müzakirələr olundu. İclasın sonunda məktəbin direktoru Nəriman Məmmədzadə və təlim-tərbiyə işləri üzrə direktor müavini Zəhra Əkbərova "Təhsilverənlərin sertifikatlaşdırılması" prosesinin test mərhələsində iştirak edərək uğurlu nəticələr əldə edən müəllimlərə "Tərifnamələr" təqdim etdilər.