96 №-Lİ TAM ORTA MƏKTƏB

4"C" sinif şagirdi Nazlı MəmmədovaNazlı uzun müddətdir ki, Azərbaycan milli rəqslərini öyrənir. Məktəbin bütün tədbirlərində öz gözəl ifası ilə hər kəsi heyran qoyan qızımız həm də savadı, intellekti ilə də öndədir. Nazlı vətəni beynəlxalq arenalarda təmsil etmək arzusu ilə böyüyür.

2"B" sinif şagirdi Hüseynli BəxtiyarBəxtiyar boş vaxtlarında şahmat oynamağı öyrənir. Beləliklə zəkasını və təfəkkürünü inkişaf etdirir. Sinifdə də aktivliyi, savadı ilə fərqlənən bu balamız gələcəkdə dünya miqyasli turnirlərdə qalib olaraq, üçrəngli bayrağımızı hər yerdə dalğalandırmaq, himnimizi beynəlxalq arenalarda səsləndirmək istəyir.

6"B" sinif şagirdi Murad Cəfərov.Murad 7 ildir futbol ilə məşğul olur. Bu fiziki məşğuliyyət onun sağlam və daim formada olmasına kömək edir. Məktəbdə fiziki tərbiyə dərsi ilə yanaşı, coğrafiya və tarix də onun sevimli fənləridir. O düşünür ki, futbolun tarixi, vətəni və məşhur futbol komandalarının yetişdiyi ölkələrin koordinatlarını bilmədən peşəkar futbolçu olmaq olmaz.