96 №-Lİ TAM ORTA MƏKTƏB

Məktəbin uğuruBŞTİ-nin təşkilatçılığı ilə keçirilən və Bakı məktəblərinin böyük həvəs və maraqla qatıldığı, maraqlı təqdimatların, rəngarəng işlərin yer aldığı "Yaradıcı müəllim: inkişaf edək, etdirək!" layihəsi sona çatıb. Təşkilat komitəsi nəticələri elan edərək məktəblərə göndərib. Müsabiqədə 3 iş 1-ci yerə, 3 iş 2-ci yerə, 3 iş 3-cü yerə, 6 iş həvəsləndirici yerə, 40 iş isə təşəkkürnaməyə layiq görülüb. 96 nömrəli məktəbdən müsabiqəyə "Təmiz Xəzər" layihəsi ilə qatılan gənc və bacarıqlı coğrafiya müəllimimiz Səmədova Şəlalənin və 7-ci sinif şagirdimiz Məmmədov Arifin də adı təşəkkürnamə ilə təltif olunmuş qaliblər sırasındadır. Müəllimimizi və şagirdimizi ürəkdən təbrik edir, məktəbimiz adından işimizə verilən dəyər üçün BŞTİ-yə təşəkkür edirik!

Şagirdimiz AMO beynəlxalq riyaziyyat olimpiadasında qızıl medal qazanıbAmerika Riyaziyyat olimpiadası (AMO) SİMCC və Cənubi İlliyons Universitetinin (SİU) birgə təşkil etdiyi ibtidai, orta və tam orta təhsil pillələrinin şagirdləri üçün beynəlxalq riyaziyyat müsabiqəsidir. 96 nömrəli tam orta məktəbin 8"B" sinif şagirdi Məhəmməd Hacılı bu olimpiadaya qatılaraq, qalib olub və qızıl medal əldə edib. Şagirdimizin bu uğuru bizi çox sevindirib və qürurlandırıb. Şagirdimiz Məhəmmədin bundan sonra da məktəbin adını bir çox yarışlarda ucaldacağına əminik.

Şagirdimizin uğuruMəktəbimizin 7 "C" sinif şagirdi Həsənov Yusif Elşən oğlu ulu öndər Heydər Əliyevin anım gününə həsr edilmiş turnirdə kikboks idman növü üzrə 1-ci yerin qalibi olub. Şagirdimizi bu qələbə münasibəti ilə məktəb rəhbərliyi adından təbrik edir və ona davamlı uğurlar arzu edirik.