96 №-Lİ TAM ORTA MƏKTƏB

İdmanda nailiyyətlərimizAzərbaycan Respublikası Gənclər və İdman Nazirliyinin təşəbbüsü ilə 13 dekabr 2015-ci il tarixində " 31 Dekabr- Dünya Azərbaycanlılarının Həmrəylik günü"nə həsr olunmuş CÜDO üzrə ROİL-in açıq birinciliyi keçirilmişdir. Məktəbimizin 6b sinif şagirdi Böyükkişiyev Elmar Azad oğlu 60 kq çəki dərəcəsində birinci yeri tutmuşdur. Elmar qızıl medal və diplomla təltif olunmuşdur.

İdmanda nailiyyətlərimiz13 noyabr 2015-ci il tarixdə idmanın bədii gimnastika növü üzrə Bakı birinciliyi keçirilmişdir. Məktəbimizin 3b sinif şagirdi Dəmirova Leyla Anar qızı bu yarışın qaliblərindən biri olmuşdur. O,fəxri kürsünün ən yüksək pilləsinə qalxaraq qızıl medal və diplomla təltif edilmişdir.

İdmanda nailiyyətlərimizDekabrin 4 və 5-də Gənclər və İdman Nazirliyi, Azərbaycan Karate-Do Federasiyası Assosiasiyası və Milli Karate Federasiyasının təşkilatçılığı ilə karate üzrə yeniyetmə və gənclər arasında 16-cı, böyüklər arasında isə 23-cü respublika çempionatı keçirilmişdir. Məktəbimizin 11b sinif şagirdi Məmmədova Ramidə Surac qızı böyüklər arasında -59 çəki dərəcəsində qızıl medala layiq görülmüşdür. O, 16-17 yaş üzrə yığma komandanın üzvüdür.