96 №-Lİ TAM ORTA MƏKTƏB

İdmanda nailiyyətlərimizDekabrin 4 və 5-də Gənclər və İdman Nazirliyi, Azərbaycan Karate-Do Federasiyası Assosiasiyası və Milli Karate Federasiyasının təşkilatçılığı ilə karate üzrə yeniyetmə və gənclər arasında 16-cı, böyüklər arasında isə 23-cü respublika çempionatı keçirilmişdir. Məktəbimizin 11b sinif şagirdi Məmmədova Ramidə Surac qızı böyüklər arasında -59 çəki dərəcəsində qızıl medala layiq görülmüşdür. O, 16-17 yaş üzrə yığma komandanın üzvüdür.

İlin ən yaxşı məzunu2014-2015-ci tədris ilində məktəbimizin 11b sinif şagirdi Əliyeva Ayçin Rauf qızı ali məktəblərə qəbul imtahanında 691 bal toplayaraq " İlin ən yaxşı" məzunu adına layiq görülmüşdür. O, Azərbaycan Dövlət Tibb Universitetinin Müalicə işi fakultəsinə qəbul olmuşdur.

Bakı məktəblilərinin mini-futbol çempionatı"Azərbaycan Respublikasında 2005-2015-ci illərdə futbolun inkişafına dair Dövlət Proqramı"ndan irəli gələn vəzifələri yerinə yetirmək, məktəbli futbolçuların idman ustalıqlarını artırmaq və mini-futbolun inkişafına dəstək vermək məqsədilə Bakı məktəblilərinin mini-futbol çempionatı keçirilmişdir. Təhsil Nazirliyinin AFFA ilə birgə keçirdiyi yarışa paytaxtda yerləşən 305 məktəbdən 3660 nəfər 8-ci sinif şagirdi qatılmışdı. Yarışın nəticələrinə görə məktəbimizin komandası III yeri tutmuş, Təhsil Nazirliyi tərəfindən kubok, medal, diplom və qiymətli hədiyyələrlə mükafatlandırılıblar. Mərasimdə təhsil nazirinin müavini Firudin Qurbanov, AFFA baş katibinin müavini Sərxan Hacıyev və idman ictimaiyyətinin nümayəndələri iştirak etmişlər.