Peşə seçiminin önəmi: Maarifləndirici seminar
21 aprel 2025-ci il tarixində 96 nömrəli tam orta məktəbin akt zalında gənclərin gələcək karyera planlamasına dəstək məqsədilə mühüm bir tədbir həyata keçirilib. Seminar Bakı Məşğulluq Filialının Peşə Yönümü Məsləhəti üzrə karyera məsləhətçisi, böyük mütəxəssis Hacıyeva Sevincin iştirakı ilə baş tutub.
Tədbirin əsas məqsədi yuxarı sinif şagirdlərini peşə seçimi prosesində düzgün istiqamətləndirmək, onlara əmək bazarındakı real tələblər haqqında məlumat vermək və şəxsi maraqlarını, bacarıqlarını tanımaqda yardımçı olmaq olub.
Seminar zamanı Hacıyeva Sevinc şagirdlərə peşə seçiminin yalnız gələcək qazanc və prestijlə deyil, şəxsi məmnuniyyət və uzunmüddətli motivasiya ilə bağlı olduğunu vurğulayıb. O, gəncləri öz maraqlarını və qabiliyyətlərini dəyərləndirməyə, peşə seçimini şüurlu şəkildə etməyə çağırıb.
Tədbir interaktiv xarakter daşıyaraq, iştirakçıların aktiv şəkildə suallar verməsinə, müzakirələr aparmasına və fərdi düşüncələrini bölüşməsinə imkan yaradıb. Seminarın sonunda şagirdlərə karyera planlaması ilə bağlı tövsiyə materialları təqdim olunub və onlara gələcəkdə müraciət edə biləcəkləri dəstək resursları haqqında məlumat verilib.
Məktəb rəhbərliyi bu cür maarifləndirici tədbirlərin gənclərin gələcək həyatlarına müsbət təsir etdiyini qeyd edərək, əməkdaşlığa görə Bakı Məşğulluq Filialına və Hacıyeva Sevincə dərin təşəkkürünü bildirib.
Bu cür təşəbbüslər, şagirdlərin öz potensiallarını dərk edərək uğurlu gələcək qurmasına zəmin yaradır və məktəb–cəmiyyət əməkdaşlığının əhəmiyyətini bir daha ortaya qoyur.
