İdman Həftəsində fəal iştirak edən şagirdlər
10 mart 2025-ci il tarixində, 96 nömrəli məktəbin idman zalında keçirilən İdman Həftəsi çərçivəsində fəallığı ilə seçilən şagirdlərə sertifikatlar təqdim olunub.
Elm və Təhsil Nazirinin 28.02.2025-ci il tarixli 3-29-69/3-2-06F/2025 nömrəli əmrinə əsasən təşkil olunan İdman Həftəsi məktəbdə müxtəlif idman yarışları, estafetlər və maarifləndirici tədbirlərlə qeyd edilib. Bu həftə ərzində şagirdlər fiziki aktivliyə həvəsləndirilib, sağlam həyat tərzinin əhəmiyyəti vurğulanıb və idmanın sosial bacarıqların inkişafındakı rolu ön plana çəkilib.
Tədbir çərçivəsində müxtəlif siniflər üzrə basketbol yarışı, “Şən Startlar” estafeti, idman mövzusunda esse müsabiqəsi və digər maraqlı fəaliyyətlər təşkil olunub. Şagirdlər bu tədbirlərdə böyük həvəslə iştirak edərək həm idman bacarıqlarını nümayiş etdiriblər, həm də komanda ruhunu gücləndiriblər.
Həftə ərzində fərqlənən və fəal iştirak edən şagirdlərə məktəb rəhbərliyi tərəfindən xüsusi sertifikatlar təqdim olunub. Bu sertifikatlar onların idmana olan marağını artırmaq və fiziki aktivliyə daha da həvəsləndirmək məqsədi daşıyıb.
Sertifikatlarla təltifetmə mərasimində çıxış edən məktəb rəhbərliyi və müəllimlər idmanın şagirdlərin fiziki və zehni sağlamlığına verdiyi müsbət təsirdən bəhs edərək, gələcəkdə bu cür tədbirlərin daha geniş miqyasda keçirilməsinin vacibliyini vurğulayıblar.
Bu cür təşəbbüslər şagirdlərin sağlam həyat tərzinə marağını artırır, onları idmana daha çox cəlb edir və idmanın dostluq, əməkdaşlıq və mübarizə ruhu yaratmaqda nə qədər əhəmiyyətli olduğunu göstərir. 96 nömrəli məktəbdə keçirilən İdman Həftəsi şagirdlər üçün yaddaqalan və motivasiyaedici bir təcrübə olub və gələcəkdə də bu cür tədbirlərin təşkil olunması gözlənilir.
