“Ən sürətli şagird” adlı qaçış yarışı
6 mart 2025-ci il tarixində “İdman Həftəsi” çərçivəsində 96 nömrəli məktəbdə VIII sinif şagirdləri arasında “Ən sürətli şagird” adlı qaçış yarışı keçirilib. Yarışın məqsədi məktəbliləri sağlam həyat tərzinə təşviq etmək, onların fiziki hazırlığını inkişaf etdirmək və idmana marağını artırmaq olub.
Tədbirdə məktəbin müəllimləri, şagirdlər və valideynlər iştirak ediblər. Yarışda VIII siniflərdən olan şagirdlər bacarıqlarını nümayiş etdirərək sürət və çevikliklərini sınayıblar. Gərgin və maraqlı mübarizə şəraitində keçən yarışın sonunda ən sürətli şagirdlər müəyyən edilib və qaliblər məktəb rəhbərliyi tərəfindən diplom və mükafatlarla təltif olunublar.
Məktəbin fiziki tərbiyə müəllimləri yarışın yüksək səviyyədə təşkil olunduğunu bildirərək, şagirdlərin böyük həvəslə iştirak etdiyini və bu cür tədbirlərin onların idmana marağını artırdığını qeyd ediblər. Şagirdlər də öz növbəsində yarışdan böyük zövq aldıqlarını və gələcəkdə belə tədbirlərin daha tez-tez keçirilməsini arzuladıqlarını bildiriblər.
96 nömrəli məktəbin rəhbərliyi və müəllim kollektivi bu cür idman yarışlarının davamlı olaraq təşkil olunacağını və şagirdlərin fiziki inkişafına xüsusi diqqət ayrılacağını vurğulayıblar.
