“12 Dekabr - Heydər Əliyevin Anım Günüdür”
Ümummilli lider Heydər Əliyevin Azərbaycan xalqı üçün göstərdiyi misilsiz xidmətlərini, onun şərəfli həyat yolunu və siyasi fəaliyyətini xatırlamaq və şagirdlərə böyük liderin milli ideyalarını daha dərindən izah etmək məqsədi ilə 12 dekabr tarixində məktəb kitabxanasında “12 dekabr -Heydər Əliyevin anım günüdür” mövzusunda tədbir keçirilib.
Tədbiri məktəbin təşkilatçısı Nigar Süleymanova açaraq, şagirdlərə Heydər Əliyevin həyatı, siyasi fəaliyyəti və onun Azərbaycan dövlətçiliyi üçün gördüyü işlər haqqında ümumi məlumat verib. Tarix müəllimlərinin rəhbərliyi ilə Heydər Əliyevin ölkəmizin inkişafında oynadığı əsas rol uşaqlarla birgə müzakirə edilib. Şagirdlər Heydər Əliyevin Azərbaycan tarixinə yazdığı şanlı səhifələr və onun milli dəyərlərimizin qorunmasına verdiyi töhfələr haqqında hazırladıqları məruzələri təqdim ediblər.
Tədbir zamanı kitabxanaçıların təşkilatçılığı ilə Heydər Əliyevin həyatı və fəaliyyəti ilə bağlı kitablar, fotoşəkillər və digər materiallar sərgilənib.
Tədbir iştirakçıları öz çıxışlarında Heydər Əliyevin ideyalarının gələcək nəsillərə çatdırılmasının əhəmiyyətini vurğulayıblar və onun milli birliyimiz üçün qoyduğu möhkəm təməllərin önəminin şagird yaddaşlarına hopmasını təşviq ediblər.
