90 №-Lİ TAM ORTA MƏKTƏB

NÖVBƏTİ QALİBİYYƏTİMİZSağlamlıq ən böyük nemətlərdən biridir. Hər bir insan onu qorumağı bacarmalı və öz sağlamlığını hifz etməlidir. Sağlamlığı qoruyub saxlamağa idman kömək edir. İdmanla məşğul olmaq tək insanın sağlamlığını möhkəmləndirmir, həmçinin eyni zamanda insanda ruh yüksəkliyi əmələ gətirir, insanın zirək, çevik və dözümlü olmasına səbəb olur. Məktəbimizin 5R sinif şagirdləri Süleymanova Amaliya , Məmmədov Sahib və 8D sinif şagirdi Baloğlanlı Üzeyir idman sahəsində yeni uğurlar əldə edib. Yarışlarda göstərdiyi yüksək nailiyyətlərə görə şagirdimiz müxtəlif medalla, diplomlarla, fəxri fərmanlarla mükafatlandırılıb. 90 nömrəli tam orta məktəbin fiziki tərbiyə müəllimləri Mətanət Quliyeva ,Rafiq Bayramov şagirdlərlə ciddi məşğul olmuş və qalibiyyətə ruhlandırmışlar. Şagirdlərimizi məktəbimiz adından təbrik edir, yeni uğurlar və nailiyyətlər arzulayırıq !

İDMANDAKI UĞURLARIMIZ Sağlam gənc nəslin yetişməsində idmanın rolu yüksəkdir. İdman cəmiyyətimizin ayrılmaz hissəsidir.Gənc nəslin fiziki və mənəvi tərbiyəsində əhəmiyyətli rol oynayan idman sahəsində məktəbimizin şagirdləri də yüksək nəticələr göstərir. İdmançı şagirdlərimizin hər dəfə yarışlarda qazandıqları qalibiyyətlər məktəbimizə şərəf gətirən amillərdir.    Məktəbimizin 6D sinif şagirdi Turqaz Abdullayev yeniyetmələr arasında Respublika çempionatında 27 kq çəki dərəcəsində II yerə, Murad Mirzəyevin xatirəsinə həsr olunmuş Yunan-Roma güləşi üzrə 32 kq çəki dərəcəsində III yerə layiq görülmüşdür.    Şagirdimizi uğurlarına görə təbrik edir, ona daim yüksək nəticələr arzulayırıq!

SAĞLAM GƏNCLİK SAĞLAM GƏLƏCƏKDİR 90 nömrəli tam orta məktəbin 6A sinif şagirdi Zöhrab Teymurov idman sahəsində böyük uğurlar qazanıb.  Şagirdimiz Yunan-Roma güləşi üzrə yeniyetmələr arasında 34 kq çəki dərəcəsində I yerə , 9 Noyabr Dövlət Bayrağı Gününə həsr olunmuş yarışda II yerə, həmçinin 12 dekabr Ulu Öndər Heydər Əliyevin xatirəsinə həsr olunmuş Yunan-Roma güləşi üzrə II yerə layiq görülüb. Yarışlarda göstərdiyi yüksək nailiyyətlərə görə şagirdimiz müxtəlif medalla,diplomlarla, fəxri fərmanlarla mükafatlandırılıb.   Məktəbimiz adından idmançı şagirdimizi qələbə münasibəti ilə təbrik edirik,ona saysız-hesabsız yüksək nailiyyətlər arzu edirik!