90 №-Lİ TAM ORTA MƏKTƏB

     Tədqiqat 21 oktyabr 2024-cü il tarixində  məktəbin 15 yaşlı şagirdlərin oxu, riyaziyyat, təbiət elmləri və yaradıcı düşünmə üzrə bilik və bacarıqlarının qiymətləndirilməsi, həmçinin onları real həyatda tətbiq etmək qabiliyyətlərinin müəyyənləşdirilməsi məqsədilə təşkil olunub. 
Sözügedən tədqiqat kompüterəsaslı keçirilib. Qeyd edək ki, PISA tədqiqatı Təhsil İnstitutu tərəfindən təşkil olunur,  3 ildən bir keçirilən beynəlxalq qiymətləndirmə tədqiqatıdır. 

      18 oktyabr 2024-cü il tarixində məktəbin 8b və 8d sinif şagirdləri Azərbaycan dili və ədəbiyyat müəllimi Humay İsmayılovanın başçılığı ilə Sabunçu Gənclər Evi, Bakı şəhər Gənclər və İdman İdarəsi, Azərbaycan Yazıçılar Birliyi Ədəbiyyat Fondu və Azərbaycan Respublikası Mədəniyyət Nazirliyinin birgə təşkilatçılığı ilə keçirilən "Yeniyetmə və gənclərdə mütaliə mədəniyyətinin formalaşdırılması" adlı görüşdə iştirak ediblər. Sabunçu Gənclər Evində keçirilən görüşün məqsədi, yeniyetmə və gənclərdə mütaliə mədəniyyətini təşviq etmək, oxuma vərdişlərini inkişaf etdirmək və kitab sevgisini artırmaqdır. Bu kontekstdə, iştirakçılara mütaliənin faydaları, kitab seçimi, oxu texnikaları və mütaliə zamanı əldə edilən biliklərin gündəlik həyata tətbiqi kimi mövzular ətrafında müzakirələr aparılıb.

      Məktəbin ibtidai sinif müəllimi Bəsti Əliyeva 1b sinif şagirdləri ilə 18 Oktyabr-Müstəqilliyin Bərpası Günü ilə əlaqədar maraqlı dərs keçirib.

Şagirdlər müstəqilliyin bərpasının 33-cü ildönümünə həsr olunmuş rəsmlər ,əl işləri hazırlayıblar . Bəsti müəllimə şagirdlərə müstəqillik tariximizdən bəhs edən maraqlı məlumatlar söyləyib ,videoçarx nümayiş etdirib. Şagirdlər söylədikləri şeirlər, ifa etdikləri mahnılarla Vətənə olan sevgilərini nümayiş etdiriblər.

    Məktəbin tarix müəllimi Maqsud Mirzəyev 9E sinif şagirdlərinin iştirakı ilə “18 oktyabr- Müstəqilliyin Bərpası Günü”nə həsr olunan tədbir keçirib.
     Tədbiri giriş sözü ilə açan tarix müəllimi qeyd edib ki, 18 oktyabr 1991-ci il tarixində "Azərbaycanın dövlət müstəqilliyi haqqında" Konstitusiya Aktının qəbul edilməsi ilə ölkəmizdə Şərqdə ilk respublikanın varisi kimi Azərbaycan tarixinin yeni dönəmi - müstəqil inkişaf dövrü başlayıb.
     9E sinif şagirdləri “Müstəqilliyin Bərpası Günü"nə həsr olunmuş maraqlı təqdimatlar , divar qəzetləri hazırlayıblar.

      STEAM dərs saatları şagirdlər üçün maraqlı və əyləncəli olur, onlar dərslərdə fəal və həvəslə iştirak edirlər.
    5d sinif şagirdləri STEAM dərsində müəllim Maqsud Mirzəyevin başçılığı ilə  maraqlı əl işləri hazırlayıblar. STEAM dərsləri düşündüklərini həyata keçirə biləcək, yaradıcı, bacarıqlı şagirdlər yetişdirmək məqsədi daşıyır.