90 №-li tam orta məktəb

Fevralın 26-sı ümumi təhsil müəssisələri və uşaq-gənclər inkişaf mərkəzlərində ilk dərs və məşğələlər Xocalı soyqırımının iyirmi doqquzuncu ildönümünə həsr edilib.

“Xocalı soyqırımının iyirmi doqquzuncu ildönümünün keçirilməsi ilə əlaqədar Bakı Şəhəri üzrə Təhsil İdarəsinin Tədbirlər Planı”na əsasən tədris olunan ənənəvi və onlayn dərslər Xocalı qurbanlarının xatirəsini  yad etmək, böyüməkdə olan nəslə XX əsrin ən dəhşətli hadisələrindən olan Xocalı soyqırımı haqqında ətraflı məlumat vermək, məktəblilərdə düşmənə qarşı barışmazlıq hissi, Vətənə, doğma torpağa sədaqət və məhəbbət duyğularını gücləndirmək məqsədlərinə xidmət edir.

Dərslər Azərbaycanın müstəqilliyi uğrunda canlarını qurban vermiş şəhidlərin və Xocalı qurbanlarının əziz xatirəsinin bir dəqiqəlik sükutla yad edilməsi ilə başlayıb.

Müəllimlər dərs zamanı Xocalının tarixi, coğrafi mövqeyi, faciədən əvvəl əhalinin sayı və tərkibi, iqtisadi göstəriciləri, təhsil, səhiyyə, mədəniyyət ocaqları, tarixi-mədəni abidələri, görkəmli şəxsiyyətlərindən söhbət açıblar. Eyni zamanda, Xocalı soyqırımına tarixi, siyasi və hüquqi qiymətin verilməsinin ümummilli lider Heydər Əliyevin adı ilə bağlı olduğu bir daha şagirdlərin diqqətinə çatdırılıb. Bildirilib ki, məhz dahi şəxsiyyətin qətiyyəti sayəsində faciənin əsl mahiyyətinin və günahkarlarının üzə çıxarılıb.

 Daha sonra şagirdlərin Xocalı faciəsi ilə bağlı fikirləri dinlənilib, müvafiq mövzu ətrafında müzakirələr aparılıb. Şagirdlər Vətənə, topağa aid şeirlər səsləndiriblər.

Bundan əlavə Tədbirlər Planının təsdiq edilməsi barədə əmrə əsasən, karantin rejiminin tələbləri nəzərə alınmaqla təhsil müəssisələrində Xocalı soyqırımına həsr olunmuş onlayn və ənənəvi qaydada tədbirlər də keçirilib. Tədbirlərdə Xocalı soyqırımının bütün bəşəriyyətə və insanlığa qarşı törədilmiş cinayət olduğu və bu hadisənin heç vaxt yaddaşlarımızdan silinməyəcəyi şagirdlərin diqqətinə çatdırılıb. Bildirilib ki, 44 günlük Vətən müharibəsində düşmənin darmadağın edilməsi, şanlı qələbənin qazanılması, torpaqlarımızın işğaldan azad olunması və üçrəngli bayrağımızın doğma Qarabağda dalğalanması ilə bütün şəhidlərimizin, o cümlədən Xocalı qurbanlarının qanlarının yerdə qalmadığı sübuta yetirilib.

Həmçinin təhsil müəssisələrində Xocalı faciəsinə dair virtual rəsm müsabiqəsi və sərgilər də  təşkil edilib.

   23 fevral tarixində 90 nömrəli tam orta məktəbin psixoloqu  Cəmilə Məmmədova IX siniflərdə "Məişət zorakılığı" mövzusunda maarifləndirici söhbət keçirib. "Məişət zorakılığı " mövzusunda psixoloji maarifləndirmə işinin keçirilməsində məqsəd məişət zorakılığı ilə sıx bağlı olan təhsildən yayınma, intihar hallarının aradan qaldırılması üçün ictimaiyyətdə geniş maarifləndirmə işlərinin aparılmasına böyük ehtiyac olmasıdır. 

    90 nömrəli məktəbdə 21 fevral - Beynəlxalq Ana Dili Günü münasibətilə onlayn sinif təşkilat saatları keçirilib.

    “Dil xalqın varlığıdır!”, “Dilimiz dəyərimizdir”, “Mənim dilim”, “Ana dilimizi sevək və qoruyaq”, “Ana dilim - doğma dilim”, “Azərbaycan dili milli varlığımızdır” adlı tədbirlərin keçirilməsində əsas məqsəd Azərbaycan dilinin tarixi inkişaf mərhələləri, rəngarəngliyi və doğma dilimizdəki əsərlər barədə şagirdlərin məlumatını artırmaq, ana dilimizi gələcək nəsillərə olduğu kimi ötürmək üçün onlarda dilimizə sevgi və hörmət hissini daha da artırmaqdan ibarət olub.

    C.Pakizə, Ə.Zamanzər ,M.Xalidə, M.Gülnaz, Ə.Vəsvinaz,Q.Sendauri ,Q.Aidə, X.Mailə  və digər müəllimlər Azərbaycan dilinin dövlət dili səviyyəsinə yüksəldilməsində ümummilli lider Heydər Əliyevin tarixi xidmətlərindən, Azərbaycan dövlətinin hər zaman milli-mənəvi dəyərlərin qorunmasına və dilimizin inkişafına böyük qayğı ilə yanaşmasından söhbət açıblar.

    Onlayn sinif təşkilat saatlarında  şagirdlər ana dilimizə həsr edilən şeirlər və mahnılar oxuyub, dahilərin müdrik kəlamlarını xatırlayıb, ədəbi-bədii kompozisiyalar nümayiş etdiriblər. Həmçinin Azərbaycan dilinin inkişafına həsr olunmuş videoçarxlar göstərilib.

https://youtu.be/tEPMjwTUDJg

https://youtu.be/gy9eeKyWHNk

     20 fevral tarixində  90 nömrəli tam orta məktəbin Azərbaycan dili və ədəbiyyat müəllimi Xalidə Məmmədovanın təşkilatçılığı ilə  8A sinfində onlayn tədbir keçirilib. 

    Müxtəlif yaşlı uşaqların Azərbaycan dili biliklərini inkişaf etdirəcək müasir vasitələrlə (jurnallar, kitablar, televiziya verilişləri və s.) təminatı imkanlarının yaradılması və  uşaqlarda düzgün ilkin nitq və nitq vərdişlərinin və bacarıqlarının formalaşdırılması məqsədilə keçirilən tədbirdə şagirdlər mövzu ilə bağlı səhnəciklər,videoçarxlar nümayiş etdiriblər.

    Müəllim onlayn tədbir zamanı uşaqların dünyagörüşünün və biliklərinin artırılması məqsədilə müasir tərtibatda bədii ədəbiyyat nümunələrinin və vəsaitlərin sayının artırılması, həmçinin xaricdə yaşayan azərbaycanlı uşaqların Azərbaycan dilini, tarixini, mədəniyyətini və milli-mənəvi dəyərlərini mənimsəməsi istiqamətində müvafiq tədbirlərin gücləndirilməsi haqqında şagirdlərə genış məlumat verib. Ana dilinin insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında, öz soydaşları ilə ünsiyyət qurmasında mühüm rol oynaması haqqında maraqlı fikirlər səsləndirilib.

https://youtu.be/8fej7mZVXRw

       90 nömrəli tam orta məktəbdə 18 fevral tarixində Beynəlxalq Ana Dili Günü münasibəti ilə “Azərbaycan dili milli varlığımızdır ” mövzusunda onlayn tədbir keçilib.  Tədbir Azərbaycan dili və ədəbiyyat müəllimi Gülnar Fərzəliyevanın başçılığı ilə 7C sinif şagirdlərinin iştirakı ilə keçirilib.

    Tədbirdə müəllim qeyd edib ki, fevralın 21-i dünyada Beynəlxalq Ana Dili Günü kimi qeyd olunur. 2002-ci il sentyabrın 30-da “Azərbaycan Respublikasında dövlət dili haqqında”  Qanunun qəbul edilməsi Azərbaycan dilinin dövlət dili kimi işlədilməsi, onun qorunması və inkişaf etdirilməsi, dünya azərbaycanlılarının Azərbaycan dili ilə bağlı milli mədəni özünümüdafiə ehtiyaclarının ödənilməsi istiqamətində daha bir addım olmuşdur. Bu sənəd ümummilli lider Heydər Əliyevin xalqımıza və onun dilinə qayğısının parlaq nümunələrindən biridir.

    Onlayn tədbirdə 7C sinif şagirdlərinin ifasında ana dilinə aid olan şeirlər səsləndirilib, geniş məlumat mübadiləsi aparılıb, mövzuya aid videoçarxlar nümayış etdirilib.