Müəllimimiz təltif olunub
Liseyimizin riyaziyyat müəllimi, sinif rəhbəri, liseyimizdə BilBacar və Cerebry müsabiqələri üzrə koordinator Əfsanə Əhmədovaya 2024-2025-ci tədris ili üzrə göstərdiyi davamlı yüksək əmək intizamı, təşəbbüskarlıq, şagird nailiyyətlərinin yüksəldilməsindəki roluna görə liseyin direktoru, filologiya üzrə fəlsəfə doktoru Arif Əsədov tərəfindən Fəxri Fərmanla təltif olunub.
Əfsanə Əhmədova ötən il Müəllimlərin Sertifikasiya İmtahanında fənni üzrə 56 bal toplayıb. Eyni zamanda, o, müxtəlif layihələrdə iştirak edərək bilik və bacarıqlarını daima artırır. Bu, müəllim üçün ən vacib keyfiyyətlərdəndir.
İnanırıq ki, liseyimizdə növbəti tədris ilində tədris nailiyyətlərinin inkişafında müəllimin daha çox töhfəsi olacaq.
