- Arif Əsədov Alim
- Vəzifə: Direktor
- Fənn: Azərbaycan dili, Ədəbiyyat, Nitq texnikası
- Bitirdiyi təhsil müəssisəsi: Bakı Dövlət Universiteti
- Təvəllüd: 30.01.1982
- İlk fəaliyyət ili: 01.09.2005
- E-mail: [email protected]
1982-ci ildə anadan olub.
BDU-nun filologiya fakültəsinin bakalavr, magistr, doktorantura pillələrini fərqlənmə diplomu ilə bitirmişdir.
Bakı Mühəndislik Universitetinin, ADA Universitetinin, Harvard Universitetinin, Adeleyd Universitetinin təhsilin, layihələrin idarə edilməsi üzrə əyani və onlayn kurs və təlimlərində iştirak etmişdir.
Bir çox elmi və tədris metodiki kitabların, monoqrafiya, dərs vəsaitlərinin, test toplularının, Azərbaycanda, ABŞ, İspaniya, Türkiyə, Rusiya, Qazaxıstan, Kanadada nəşr olunmuş elmi, elmi-metodiki məqalələrin müəllifi və həmmüəllifidir.
"Yeni Amerika (ABŞ) nəsri və Azərbaycan ədəbi-nəzəri fikri" mövzusunda dissertasiya müdafiə etmişdir. Filologiya üzrə fəlsəfə doktorudur.
"ABŞ-Azərbaycan ədəbi əlaqələri: yeni nəsr" (2017) adlı monoqrafiyanın müəllifidir. Təhsil Nazirliyinin qrifi ilə nəşr olunmuş "Azərbaycan dili" (2007) dərs vəsaitinin həmmüəllifidir.
ARTİ-nin elmlər doktorluğu proqramı üzrə doktoranturasını bitirmişdir. Pedaqogika üzrə elmlər doktoru alimlik dərəcəsi almaq üçün elmi dissertasiya üzərində işləyir.
2005-ci ildə "Respublika" qəzetində müxbir, "Rəy" monitorinq şirkətində region nümayəndəsi, həmin ildən DİM-də test tapşırıqlarının, yoxlama-ölçmə materiallarının hazırlanması üzrə ekspert, 2008-ci ildə "Zirvə MMC"-də müdir müavini, 2010-cu ildə "Qafqaz MMC"-də müdir müavini, 2011-ci ildən TQDK-da dərsliklərin ekspertizası üzrə ekspert, həmin il TQDK-da məsləhətçi, 2012-2013-cü illərdə TQDK-da baş məsləhətçi, 2013-2014-cü illərdə TQDK-da dərsliklər üzrə elmi-metodiki seminarın rəhbəri, 2015-ci ildə "Çağdaş Təfəkkür ADH"da müdir müavini işləmişdir. Dövlət Qulluğu Məsələləri üzrə Komissiya ilə ekspert kimi əməkdaşlıq etmişdir.
2016-2021-cı illərdə Bakı şəhəri 147 №-li Texniki-Humanitar liseyinin direktoru olmuşdur.
2019-2020-ci tədris ilində Təhsil Nazirliyinin elan etdiyi Təhsildə inkişaf və innovasiyalar üzrə III qrant müsabiqəsinin ümumtəhsil məktəbləri kateqoriyası üzrə qalib gəlmiş layihələrdən birinin rəhbəri olmuşdur.
2016-cı ildə "Elmin zirvələrini fəth edək" adlı şagird elmi konfransının, 2021-ci ildə "Aşıq Ələsgər və elmi-nəzəri, pedaqoji fikir" mövzusunda beynəlxalq elmi konfransın təşkilatçısı olmuşdur.
Azərbaycan Respublikası Prezidenti cənab İlham Əliyevin sərəncamı ilə keçirilmiş ilk "Yüksəliş" müsabiqəsinin finalçılarından olmuşdur.
2016-cı ildə Xətai Rayon İcra Hakimiyyətinin, 2017 və 2018-ci ildə Bakı Şəhəri üzrə Təhsil İdarəsinin, 2019-cu ildə “Azərbaycan Respublikası Təhsil Nazirliyinin Fəxri Fərmanı” ilə təltif edilmişdir. AYB-nin üzvüdür. İngilis və rus dillərini bilir.
2021-ci il 1 sentyabr tarixindən liseyimizdə direktor vəzifəsində çalışır.
Ailəlidir, 3 övladı var.
Səlimə Kərimli 
Könül Musayeva Rövşən
