291 №-li Ekologiya liseyi

    Azərbaycan Respublikasının Təhsil İnstitutu və Sinqapurun Marşal Kavendiş Təhsil Şirkətinin birgə əməkdaşlığı çərçivəsində Naxçıvan Muxtar Respublikası da daxil olmaqla 14 regiondan riyaziyyat və təbiət elmlərini tədris edən 60-dan çox müəllimin iştirakı ilə ümumi təhsil müəssisələrində təhsilalanların bacarıqəsaslı öyrənmə vərdişlərinin təkmilləşdirilməsi istiqamətində təlimlər başlayıb.

    15 iyul tarixindən başlayan təlimlər öz sahəsində 20 ildən çox təcrübəsi olan Sinqapurlu mütəxəssislər tərəfindən əyani şəkildə keçirilir. İştirakçılar 300-dən çox namizədin arasından iki mərhələli seçim (imtahan və müsahibə mərhələsi) əsasında seçilib.

    Təlim beynəlxalq qiymətləndirmə tədqiqatları çərçivəsində bacarıqların formalaşdırılması vasitəsilə şagirdlərin riyaziyyat və təbiət elmləri üzrə savadlılığının artırılması mövzularını əhatə edib. Təlimi bitirən iştirakçılar öz regionlarında müəllimlərə metodik dəstək göstərəcək və şagirdlərlə bu istiqamətdə işlər aparacaqlar.

    Liseyimizin riyaziyyat müəllimi Əfsanə Əhmədova bu təlimdə uğurla iştirak edib. Əfsanə Əhmədovanın  bacarıqəsaslı öyrənmə vərdişlərinin liseyin şagirdləri üçün faydalı olacağına inanırıq. Uğurlarının davamlı olmasını arzu edirik.

    Azad Hümbətov adına 291 nömrəli Ekologiya liseyində 60 nəfər müəllim tədris aparır. Müəllimlərdən 4 nəfəri fəlsəfə doktoru, 3 nəfəri Əməkdar müəllimdir. 1 nəfəri "Tərəqqi" medalçısıdır. Müəllimlərimin bəzisi ADA , BDU, ADPU və digər Ali təhsil müəssisələrində doktorantura, magistratura pillələrində təhsillərini davam etdirirlər.

Məktəbimizin 2023-2024-cü tədris ili üzrə bəzi təhsil nəticələrini paylaşmaq istəyirik:

1. Şagirdlərimiz Respublika Fənn Olimpiadalarının, Fənn Müsabiqələrinin və Lütfizadə adına olimpiadanın qalibləri sırasındadırlar.

2. Beynəlxalq Olimpiada qaliblərimiz var.

3. Bu tədris ili komandamız Bakı Elm Olimpiadasında lll yeri qazanıb.

4.9 illik bazadan 22 nəfər şagirdimiz qırmızı attestat qazanıb.

5. 11 illik bazadan 25 nəfər şagirdimiz qırmızı attestat qazaıb.

6. Bu tədris ili 600 baldan yuxarı 9 nəfər məzunumuz olub.

7. SASMO Azərbaycan, AMO Azərbaycan üzrə Riyaziyyat olimpiadalarında 100-ə qədər şagirdimiz qızıl, gümüş və bürünc medallar qazanıblar.

8. Liseydaxili 100-ə qədər tədbir, yarışma, bilik yarışı, müsabiqə, alimlərlə, yazıçılarla görüş, mədəni-elmi-kütləvi görüşlər keçirilib.

9.Müxtəlif maraqlı və məzmunlu, şagird məmnunluğunu təmin edəcək yenilikçi layihələr icra olunub.

10. KSQ və BSQ-lər qəqəmsal həyata keçirilir ki, bu da şəffaflıq və şagird inkişafını təmin edir.

11.DİM məlumatlarına əsasən, qəbul imtahanlarında ölkə üzrə ən yüksək bal toplayan 10 məktəbdən biriyik.

12.Xl illik bazadan Buraxılış imtahanlarında orta balımız 300 bal ürzə 235 baldır.

13.lX illik bazadan Buraxılış imtahanlarında orta balımız 300 bal ürzə 212 baldır.

14.Şəffaflıq və şagird məmnunluğu, vətəndaş razılığını təmin etmək üçün ildən-ilə daha çox nailiyyətlər əldə edilir.

15.Liseyimizdə rəqəmsal bacarıqlar layihəsi tətbiq olunur.

16.Hər ili şagird özünü idarə günü və xüsusi Bilik yarışı keçirilir.

17.Növbəti tədris ili üçün daha çox yeniliklər və planlar vardır;

18.Şagirdlərimiz Kenquru olimpiadasında qaliblər sırasındadırlar.

Bunlar lisey müəllimlərinin, əməkdaşlarımızın səyi, əziyyəti və gərgin fəaliyyəti nəticəsində ortaya çıxır.

    Liseyimizin müəllimləri sertifikasiya imtahanlarında yüksək nəticələr əldə ediblər.

    Test imtahanı mərhələsində 120 dəqiqə müddətində təhsilverənlərin tədris etdiyi fənn üzrə ümumtəhsil proqramlarına, tədris metodikasına və təlim strategiyalarına aid 60 sual təqdim edilir. Hər düzgün cavab 1 balla qiymətləndirilir. Bu mərhələnin nəticələri üzrə balların hesablanması avtomatlaşdırılmış rejimdə proqram təminatı vasitəsilə həyata keçirilir və imtahan başa çatdıqdan dərhal sonra namizədə elan edilir.

    Müəllimlərimiz sertifikasiya imtahanının öhdəsindən layıqınə gəliblər. 

    Müəllimlərimizi təbrik edirik! Uğurları bol olsun!

Bakı Şəhəri üzrə Təhsil İdarəsi (BŞTİ) tərəfindən paytaxtın təhsil müəssisələrinin iştirakı ilə “Məktəblinin yay mütaliəsi” adlı layihəsinə start verilir.

Layihənin əsas məqsədi şagirdlərin yay tətili günlərində asudə vaxtlarının səmərəli təşkili, mütaliəyə maraqlarının artırılması, kitab mübadiləsi mədəniyyətinin genişləndirilməsi, oxu bacarıqlarının inkişaf etdirilməsi və nitq vərdişlərinin təkmilləşdirilməsindən ibarətdir.

Layihə çərçivəsində paytaxtın təhsil müəssisələri şagirdlərin oxuduğu kitabları əks etdirən fotoşəkilləri, yaxud oxuduqları əsər və onun müəllifi ilə bağlı fikirlərinə dair videogörüntüləri məktəbin sosial şəbəkə hesablarında #məktəblininyaymütaliəsi haşteqi ilə paylaşması nəzərdə tutulur.

Qeyd edək ki, layihə sentyabr ayına qədər davam edəcək.

    Daha bir möhtəşəm, sevindirici xəbərimiz var!

    Dövlət İmtahan Mərkəzi tərəfindən 600-dən yuxarı bal toplayan abituriyentlərin nəticələri açıqlanıb.

    Liseyimiz ölkə üzrə abituturiyentlərin sayına nəzərən yüksək faizi daha çox olan təhsil müəssisələri arasında lk onluqdadır. 

    Liseyimizin müəlim kollektivini təbrik edirik və uğurlarının davamlı olmasını arzu edirik!