291 №-li Ekologiya liseyi

    21 may 2025-cü il tarixdə liseyin həkimi Leyla Nuriyeva, tibb bacısı Könül Əhmədovanın təşkilatçılığı ilə məktəbli uşaqlar arasında “Sağlam həyat tərzinə gənc yaşlarda vərdiş edək : gün rejimi, sağlam qidalanma, istirahət vaxtı, yuxu vaxtı. Şəxsi qiqiyena qaydaları” mövzusunda seminar keçirilib.

    Seminarda 6-cı sinif şagirdləri iştirak ediblər. Seminarda müzakirə olunan : Sağlam həyat tərzi fərdin bütün imkanlardan istifadə edərək orqanizmi daha sağlam etmək, sağlamlığı dəstəkləmək, psixoloji sağlamlığı qorumaq, immunitet sistemini möhkəmləndirmək üçün atdığı addımlardır. Sağlam həyat tərzi formalaşdırmaq daha keyfiyyətli, uzunömürlü, sağlam psixologiyaya malik, həyatın bütün sahələrində (iş, ev, istirahət) tam iştirakın təmin edildiyi həyat deməkdir. Uşaqların sağlam həyat tərzinin formalaşmasında bir sıra faktorlar iştirak edirki, bunlar eyni zamanda uşağın sağlam inkişafının təməlini təşkil edir.

    Sağlam qidalanma: Düzgün şəkildə qidalanma həm fiziki həm psixoloji sağlamlığın əsasını təşkil edir.Uşaqlarda normal qida rejimi formalaşdırmadıqda bu yemə pozuntularının yaranmasına gətirib çıxarır. Bu gün uşaqlıqda piylənmənin ən böyük və ən mühüm səbəblərindən biri televizor və kompüter qarşısında uzun və oturaq vaxt keçirmələri, ikincisi isə lazımsız qidaların həddindən artıq istehlakıdır. Ailələr bu iki təhlükəyə çox diqqət yetirməlidirlər.

    Normal yuxu rejimi: düzgün yuxu rejimi olmadıqda uşaqlarda bir sıra yuxu pozuntuları yarana bilşr və bu uşaqların bütün fəaliyyət sahələrinə mənfi şəkildə təsir göstərir.

    İdmanın rolu: Uşağın erkən yaşda idmanla məşğul olmasının faydaları: Uşaqlıq və yeniyetməlik dövründə idmanla məşğul olmaq,sağlam böyümə və inkişafın təməlidir. İdman etmək təkcə fiziki inkişaf üçün yox, mənəvi, psixoloji sağlamlıq üçün zəruridir. Xüsusilə komanda idmanlarına üstünlük vermək, uşağın şəxsiyyətinin inkişafına, komanda işinə alışmaq, sosiallaşmaq,özünə inam qazanmaq, stressi azaltmaq və məsuliyyət kimi məsələlərdə inkişafına dəstək verir. Sümük-əzələ sistemi güclənir. Pis vərdişlərin mənimsənilməsinin qarşısı alınır.

     Azərbaycsn Təhsil işciləri Azad Həmkarlar İttifaqı Respublika Komitəsi və Bakı şəhər üzrə Təhsil idarəsi tərəfindən birgə təşkil olunmuş mini futbol yarışı baş tutub. Yarışma Baki şəhəri Sabuncu rayonun 74 saylı məktəbin mini futbol stadionunda keçirilib. 

     Bu yarışda Bakı şəhərinin 11 rayon komandası istirak edib. N. Nərimanov komandası yarışda 7 oyun kecirib. Mini futbol yarışında liseyin fiziki tərbiyə müəllimi Murad Mehtiyevin iştirak etdiyi  N. Nərimanov komandası yarışmanı III yerdə başa vurub. 

     Təbrik edirik, uğurları bol olsun!

     21 may tarixində Nərimanov rayon Polis İdarəsinin təşkilalatçılığı ilə Azad Hümbətov adına 291 №-li Ekologiya liseyində "Narkomaniyaya qarşı birgə mübarizə aparaq!" mövzusunda tədbir keçirilib. 

     N.Nərimanov rayon Polis İdarəsinin rəhbərliyi ilə yanaşı, Bakı şəhər Baş Polis İdarəsi və Nərimanov rayon Polis İdarəsinin Yetkinlik Yaşına Çatmayanlarla İşin Təşkili bölmələrinin, məktəbin pedaqoji kollektivinin nümayəndələri və şagirdlər də iştirak ediblər. 

     Narkomaniya, narkotik tərkibli maddələrdən sui-istifadə, onların istehsalı, ticarəti, törətdiyi fəlakətlər yüz illər boyunca olduğu kimi, XXI əsrdə də bəşəriyyətin varlığını və inkişafını təhdid edən ən təhlükəli qlobal problemlərdən biri olmaqda davam edir.

Narkotika təhlükəsi artdıqca onunla mübarizə zərurəti daha da aktuallaşır. Narkotiklərdən sui-istifadə və onların qanunsuz dövriyyəsi son onilliklərdə daha çox qlobal miqyas almışdır və cəmiyyətdəki sosial-psixoloji mühitə, iqtisadiyyata, siyasətə və qanunun aliliyinə mənfi təsir göstərir.
      Narkotik asılılığın qurbanları daha çox yeniyetmələr və gənclər olur. Narkotika aludəçiliyi həm gənc insanın özü, həm də ailəsi, yaxınları üçün faciəyə çevrilir. Narkotiklərdən asılılıq ümumi fiziki xəsarətlərə və sağlamlığın ciddi ağırlaşmalarına səbəb olur.
      Narkoman tədricən özünə hörməti, əxlaqi keyfiyyətlərini və zehni tarazlığını itirir. Anormal psixikaya görə ailəsi və dostları ilə ünsiyyət qura bilmir, heç bir peşə ilə məşğul ola bilmir və hətta xəstəliyindən əvvəl sahib olduğu işlə bağlı bacarıqlarını da unudur. Cinayət mühitinə qarışaraq ətrafdakı insanlara bədbəxtlik gətirir və yavaş-yavaş onların da həyatını məhv edir.

      Narkomanlıq insanı ruhi cəhətlə yanaşı, fiziki cəhətdən də şikəst edir. Belə ki, narkotik maddələr ilk növbədə orqanizmin immunitet səviyyəsini aşağı salaraq ürək-damar sisteminə, qara ciyər və böyrək kimi daxili orqanların ciddi zədələnmısinə yol açır. Nəticədə orqanizm zəifləyir, çəki itkisi yaranır, insanın fiziki gücü tükənir və sonda ölüm halı baş verir.

    Aprelin 3-də "Minasız Azərbaycan" – Uşaqların Yaradıcı Gücü ilə Mina Təhlükəsizliyi" adlı tədbir çərçivəsində "Minasız Azərbaycan" yaradıcılıq müsabiqəsinin final mərhələsi keçirilib.
    Müsabiqənin məqsədi yaradıcı yanaşma ilə mina təhlükəsizliyi mövzusunda uşaqlar arasında maarifləndirməni genişləndirmək olub. Rəsm, heykəltaraşlıq, video və süni intellekt vasitəsilə yaradılan qrafik dizayn nominasiyaları üzrə keçirilən "Minasız     Azərbaycan" yaradıcılıq müsabiqəsinə məktəblilər tərəfindən 100-dən çox rəsm, heykəltaraşlıq, süni intellekt (AI) ilə yaradılmış qrafik dizayn, mina təhlükəsi ilə bağlı maarifləndirici vizual materiallar, fotoşəkil və digər yaradıcılıq nümunələri təqdim edilib. 
    Final mərhələsində müsabiqəyə təqdim olunan işlər arasından dörd nominasiya üzrə I, II, III yerlər üzrə qaliblər seçilərək diplom və mükafatlarla təltif olunublar. 
    Tədbir zamanı sərgilənən yaradıcılıq nümunələri iştirakçılar tərəfindən böyük maraqla qarşılanıb və mina təhlükəsizliyi mövzusunda maarifləndirmə işlərinin yaradıcı yanaşma ilə aparılmasının əhəmiyyəti bir daha vurğulanıb. 

    Tədbir çərçivəsində Məktəbəqədər və Ümumi Təhsil üzrə Dövlət Agentliyi, Respublika Uşaq-Gənclər İnkişaf Mərkəzi və 1 saylı 18 yaşınadək əlilliyi müəyyən edilmiş şəxslər üçün sosial xidmət müəssisəsinin birgə təşkil etdiyi sərginin hazırlıq mərhələsində uşaqlar peşəkar müəllim və metodistlərin rəhbərliyi ilə mina təhlükəsizliyi mövzusunda öz rəsm əsərlərini yaradıblar. 
    Qeyd edək ki, 4 Aprel – Beynəlxalq Mina Xəbərdarlığı və Mina Təhlükəsinə qarşı Mübarizə Gününə həsr olunan, Elm və Təhsil Nazirliyi, Məktəbəqədər və Ümumi Təhsil üzrə Dövlət Agentliyi, Respublika Uşaq-Gənclər İnkişaf Mərkəzi və Azərbaycan Respublikası Minatəmizləmə Agentliyinin (ANAMA) birgə təşkilatçılığı ilə keçirilən "Minasız Azərbaycan" – Uşaqların Yaradıcı Gücü ilə Mina Təhlükəsizliyi" adlı tədbirin əsas məqsədi uşaqlara mina təhlükəsizliyi barədə biliklərin aşılanması və bu istiqamətdə yaradıcı potensiallarının inkişaf etdirilməsi olub.

    Tədbirdə liseyimizin şagirdləri də iştirak ediblər. Liseyin şagirdləri Məryəm Salmanlı süni intellekt üzrə 3-cü yeri yer, Duyğu Səfərova, Raziyə Abdurrahmanova və Nilay Qurbanlı həvəsləndirici serftifikatla təltif olunublar.

    Fəaliyyət planına uyğun olaraq 291 nömrəli Ekologiya liseyinin Məktəbdənkənar və sinifdənxaric işləri üzrə təşkilatçı Zeynəb Qasımova, UBR-i Ətlaz Zeynalova və liseyin psixoloqu İradə Cəfərova tərəfindən 9^ç sinfində 15 may “Beynəlxalq ailə günü“ adlı dəyrimi masa təşkil olunub.

    Şagirdlərlə görüş zamanı ilk öncə Zeynəb Qasımova və Ətlaz Zeynalova giriş edərək ailə dəyərləri və ailənin cəmiyyətimizdə rolu haqqında çıxış edib və uşaqlara maarifləndirici məlumatlar veriblər.

    Daha sonra psixoloq İradə Cəfərova uşaqlarla diskussiya edərək ”Ailə üzvünüzün sizin həyatınızdakı rolu?, ”İdeal ailə anlayışı”, ” Ailədən gözlədiyiniz dəstək”, ” Valideynərin sizdən şikayətləri “ və “Ailəmdən öyrəndiklərim”  başlıqları ilə müzakirələr aparılıb və uşaqların maraqlı fikirləri dinlənilıb.

    Sonda isə rol canlandırması metodundan istifadə edərək uşaqların özlərinin iştirakı ilə qısa səhnəciklər təqdim edilib və ailə dəyərləri haqqında praktiki və əyləncəli anlar yaşanıb.