Vətən daşı olmayandan olmaz ölkə vətəndaşı
05.04.2017-ci il tarixdə liseydə 2016-cı ilin aprel ayının 2-dən – 5-dək davam etmiş, şanlı tariximizə zəfər səhifəsini əlavə etmiş aprel döyüşlərinin ildönümünə həsr olunmuş "Vətən daşı olmayandan olmaz ölkə vətəndaşı" adlı dəyirmi masa keçirilmişdir. Tədbiri giriş sözü ilə liseyin tarix müəllimi Ağayeva Şəfiqə açaraq Azərbaycan ordusunun keçdiyi qəhrəmanlıq yolundan şagirdlərə söhbət açmışdır. Tədbirdə 10-cu sinif şagirdləri Rəcəbli Nicat və Əsli Daşdəmirova öz vətənpərvərlik fikirlərini söyləmişdilər. Tədbirdə Uşaq Birliyi Təşkilatının rəhbəri Ə.Zeynalova da çıxış edərək həmin günlərin tariximizin səhifəsinə qızıl hərflərlə yazıldığını bildirmişdir. Onu da qeyd edək ki, “Aprel döyüşləri bizim şanlı tariximizdir” adlı inşa müsabiqəsində liseyimizin IXa sinif şagirdi Mikayılova Məryam II yerə layiq görülmüş, Vç sinif şagirdi Zöhrə Tağıyeva isə Fəxri fərmanla təltif olunmuşdur.
