Şagirdlər ilə görüş keçirilib
02 aprel tarixdə liseyin akt zalında liseyin direktoru, filologiya üzrə fəlsəfə doktoru Arif Əsədov, direktor müavini Sevinc Hüseynova, riyaziyyat müəllimi Əfsanə Əhmədovanın iştirakı ilə Lütfi Zadə adına riyaziyyat-məntiq olimpiadasının, məktəblilərarası fənn müsabiqəsinin final turunda iştirak etmək hüququ qazanmış şagirdlər ilə görüş keçirib.
Görüşdə fənn müsabiqələrinin və Lütfi Zadə adına riyaziyyat-məntiq olimpiadasının nəticələri haqqında iştirakçılara ətraflı məlumat verilib və şagirdlərimizi qazandıqları uğur münasibətilə təbrik ediblər. Dünya şöhrətli azərbaycanlı alim Lütfi Zadənin elmin inkişafına verdiyi töhfələrindən, istedadlı şagirdlərin seçilib müəyyənləşdirilməsi istiqamətində həyata keçirilən tədbirlər sırasında Lütfi Zadə adına riyaziyyat-məntiq olimpiadasının təşkilinin mühüm əhəmiyyətindən danışılıb.
Şagirdlərin məntiqi təfəkkür vərdişlərinin, düşüncə tərzi, diqqət, qavrama və nitq kimi vacib bacarıqlarının inkişafına əlverişli şərait yaratmaq, məntiqi biliklərinin artırılmasına təkan vermək baxımından bu kimi olimpiadaların keçirilməsinin vacibliyi bildirilib.
Sonda şagirdlərə final mərhələsi ilə baglı tövsiyələr verilib.
